یہاں ایک ۳۷؍سالہ خاتون سائنسداں پر۲؍ پالتو کتوں نے حملہ کردیا تھا جس کی وجہ سے انہیں متعدد چوٹیں آئیں اورانہیں ناک کی سرجری کرانی پڑی۔

یہاں ایک ۳۷؍سالہ خاتون سائنسداں پر۲؍پالتو کتوں نے حملہ کردیا تھا جس کی وجہ سے انہیں متعدد چوٹیں آئیں اورانہیں ناک کی   سرجری کرانی پڑی ۔ پولیس نے جمعرات کو بتایا کہ ’ پٹ بل‘ اور  ’ڈوبر مین‘ نسل کے  کتے دویش ورک کےہیں اور دونوں کی دیکھ بھال ان کے ڈرائیور اور گھریلو ملازمہ کرتے ہیں۔ مذکورہ کتوں کے ذریعے بھیانک حملے کا  واقعہ۲۲؍ مارچ کی صبح پیش آیا۔ ایک پولیس افسر نے بتایا کہ تینوں افراد کے خلاف کیس درج کر لیا گیا ہے۔ایک پرائیویٹ فرم میں کام کرنے والی ریسرچ سائنٹسٹ ریچا کوشک اروڑہ پوائی کے جل وایو وہار میں اپنے فلیٹ کی طرف جا رہی تھیں جس کی تزئین و آرائش جاری ہے۔ اس دوران دویش ورک کی گھریلو ملازمہ کتوں کو قابو میں نہ رکھ سکی اور ان  دونوں   نے ریچا کوشک پر حملہ کر دیا جس سے ان کے چہرے، ناک، ہاتھ اور ٹانگوں پر شدیدچوٹیں آئیں۔انہیں زخمی حالت میں پرائیویٹ اسپتال داخل کرایا گیاتھا۔