عالمی عدالت کے ذریعہ گرفتاری وارنٹ ہونے کےباوجود روسی صدر کے فیصلے پر چہ میگوئیاں۔

 کیٖف / ماسکو(ایجنسی ): مقامی میڈیا کی رپورٹوں کے مطابق روسی اور يوکرينی افواج کے مابين جمعرات اور جمعہ کی درميانی شب شديد جھڑپيں ہوئیں۔ سرحد پر روسی علاقے کرسک کے قريب واقع يوکرينی شہر سومی ميں ايک فضائی حملے کے نتيجے ميں شہری انفرااسٹرکچر کو نقصان پہنچا اور کئی مقامات پر آگ بھڑک اٹھی ہے۔ ا س بیچ یوکرین کے صدر نے عالمی نیوکلیائی ایجنسی سے شکایت کی ہے کہ روسی حملوں  کی وجہ سے اس کی نیوکلیائی تنصیبات کو خطرہ ہےا وروہ انہیں  بند کرنے پر مجبور ہے۔ 
 تازہ حملوں  میں  خاکیٖف پرروسی حملے میں   ۵؍ افراد کی ہلاکت کا دعویٰ کیا گیاہے۔ مہلوکین میں   ۵؍ سال کا ایک بچہ بھی شامل ہے۔ 
 دوسری طرف ایک اہم پیش رفت میں  روس کے صدر ولادیمیر پوتن نے منگولیا کا دورہ کرنے کافیصلہ کیا ہے۔ ان کا یہ فیصلہ اس لئے اہم ہے کہ ان کے خلاف عالمی عدالت انصاف (آئی سی سی) گرفتاری کا وارنٹ جاری کرچکی ہےاور منگولیا آئی سی سی کا رکن ہے۔