نو منتخب صدر ڈونالڈ ٹرمپ، سابق امریکی صدور بارک اوبامہ، جارج بش اور بل کلنٹن نے شرکت کی۔

سابق امریکی صدر جمی کارٹر کی آخری رسومات ادا کر دی گئیں۔ موجودہ صدر جو بائیڈن اور تمام سابق صدور نے بھی شرکت کی۔میڈیارپورٹس کے مطابق صدر جمی کارٹر کی آخری رسومات واشنگٹن کے نیشنل کیتھیڈرل چرچ میں ادا کی گئیں۔
 آخری رسومات میں موجودہ صدر جو بائیڈن اور نائب صدر کملا ہیرس اگلی صف میں موجود تھیں۔ بائیڈن نے کہا کہ کارٹر کو اصول پسندی اور انسانیت کی خدمت کی  بنیاد پر رہتی دنیا تک یاد رکھا جائے گا۔جمی کارٹر کی آخری رسومات میں نو منتخب صدر ڈونالڈ ٹرمپ،  سابق امریکی صدور بارک اوبامہ، جارج بش، اور بل کلنٹن نے شرکت کی۔ اس موقع پر سابق خاتون اول مشیل اوبامہ موجود نہیں تھیں جس کے سبب سوشل میڈیا پر امریکی انہیں تنقید کا نشانہ بنا رہے ہیں۔
 واضح‌  رہے کہ جمی کارٹر گزشتہ دنوں انتقال کر گئے تھے۔ ان کی عمرسو برس تھی۔ ان کا تعلق ڈیموکریٹک پارٹی سے تھا۔ وہ۱۹۷۷ء سے۱۹۸۱ء تک امریکہ کے۳۹؍ ویں صدر رہے۔