حالیہ حملوں کے بعد صدر ایمانویل میکرون کی جانب سے احتیاطی اقدامات

فرانسیسی صدر ایمانویل میکرون نے کہا ہے کہ مختلف شہروں میں حالیہ حملوں کے بعد ملک کی سرحدوں پر کنٹرول کو مضبوط بنایا جائے گا۔واضح رہے کہ ایک چیچن نژاد نوجوان نے ۱۶؍ اکتوبر کو فرانسیسی دارالحکومت پیرس کے نواح میں واقع ایک اسکول کے استاد کا توہین آمیز خاکے دکھانے کے الزام میں سرقلم کردیا تھا۔ایمانویل میکرون نے مقتول استاد سیموئل پٹی کی اس حرکت کا اظہار رائے کی آزادی کے نام پر دفاع کیا تھا اور اس کو خراجِ عقیدت پیش کیا تھا۔ان کے اس طرزِعمل پر اسلامی دنیامیں سخت غیظ وغضب پایا جارہا ہے اور احتجاج کیا جارہے  ۔ گزشتہ  سنیچر  کو فرانس کے شہر لیون میں ایک مسلح شخص نے ایک چرچ میں آرتھوڈکس پادری کو گولی ماردی تھی جس سے وہ شدید زخمی ہوگیا تھا۔ حملہ آور فرار ہونے میں کامیاب ہوگیا تھا۔ اس واقعے سے دوروز قبل فرانس کے شہر نیس میں ایک گرجا گھر میں ایک تیونس نوجوان نے تین افراد کو چاقو کے وار کرکے قتل کردیا تھا۔اس حملے کے الزام میں تین افراد کو گرفتار کیا گیا ہے۔بعض فرانسیسی وزراء نے حال ہی میں خبردار کیا ہے کہ ملک میں اسلامی جنگجوؤں کے مزید حملے ہوسکتے ہیں۔فرانسیسی صدر  نےاس کے بعد عبادت گاہوں اور اسکولوں کے باہر مزید چار ہزار فوجی تعینات کرنے کا حکم دیا ہے۔