بی جے پی لوک سبھا ایم پی گوتم گمبھیر نے سنیچر کو پارٹی صدر جے پی نڈا سےکہا کہ وہ انہیں سیاسی فرائض سے آزاد کریںتاکہ وہ کرکٹ کے اپنے کریئر پر توجہ مرکوز کرسکیں۔

لوک سبھا انتخابات کے لئے دہلی کے ممبران پارلیمنٹ کی تبدیلیوں کی قیاس آرائیوں کے درمیان گوتم گمبھیر نے سیاسی فرائض سے سبکدوشی کیلئے جے پی نڈا سے درخواست کی ہے۔ مشرقی دہلی کے رکن پارلیمنٹ گوتم گمبھیر نے وزیراعظم نریندر مودی اور وزیر داخلہ امیت شاہ کا شکریہ ادا کیا کہ انہیں لوگوں کی خدمت کرنے کو موقع فراہم کیا گیا۔ 
انہوں نے ایکس پر کہا کہ ’’میں پارٹی صدر جناب جے پی نڈا سےدرخواست کرتاہوں کہ وہ مجھے سیاسی فرائض سے آزاد کریں تاکہ میں کرکٹ کے اپنے کریئر پر توجہ مرکوز کرسکوں۔ میں تہہ دل سے شکر گزار ہوں کہ وزیراعظم نریندر مودی اور وزیر داخلہ امیت شاہ نے مجھے لوگوں کی خدمت کرنے کا موقع فراہم کیا۔ جے ہند!‘‘

I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!

— Gautam Gambhir (@GautamGambhir) March 2, 2024

یہ پیش رفت ان قیاس آرائیوں کے درمیان ہوئی ہے کہ بی جے پی دہلی کی موجودہ سات ممبران پارلیمنٹ میں سے بعض کو آئندہ انتخابات کیلئے نئے چہروں کے ساتھ تبدیل کرنے جارہی ہے۔ ۲۰۱۹ء کے لوک سبھا انتخابات میں بی جے پی نے دہلی کے شمال مغرب اور مشرق کے دو ممبران کو تبدیل کیا تھا۔ سابق کرکٹر گوتم گمبھیر نے ۲۰۱۹ء کے لوک سبھا انتخابات میں بی جے پی شمولت اختیار کی تھی۔ 
انہوں نے مشرقی دہلی کی سیٹ پر ۵۵؍ فیصد سے زیادہ ووٹ حاصل کر کے کانگریس کے اروند سنگھ لولی کو شکست دی تھی اور لوک سبھا انتخاب جیتا تھا۔ بی جے پی دہلی لوک سبھا انتخابات کیلئے سات سیٹوں پر جلد ہی ممبران کی پہلی فہرست جاری کرے گی۔ ساتوں سیٹوں پر بی جے پی کی حکومت ہے جبکہ حزب اختلاف میں عام آدمی پارٹی اور کانگریس دو بڑی پارٹیاں ہیں۔