اسرائیل نے ۱۴؍ سالہ فلسطینی بچے ایہم سلیمہ کو اسرائیلی نوآبادکار کو پتھر مارنے کیلئے ایک سال جیل کی سزا سنائی گئی ہے۔ قبل ازیں ایہم سلیمہ نے ڈیڑھ سال نظر بندی کی سزا کاٹی ہے۔

نواف سلیمہ نے اپنے۱۴؍ سالہ بھائی ایہم سلیمہ کو جیل بھیجنے سے قبل کہا کہ ’’جیل میں ہر قیدی تمہارا بھائی ہے۔ ‘‘۱۴؍ سالہ ایہم سلیمہ کو اسرائیلی آبادکار پر پتھر پھینکنے کے جرم میں ایک سال قید کی سزا سنائی گئی ہے۔ پیر سے ان کی قید کا آغاز ہوگا۔

A final tour in Al-Quds..

⭕ The child Ayham and his father take one last walk through the cherished streets of Al-Quds; cherishing fleeting moments of freedom before being forced into the zionist torture camps for a cruel 12-month sentence.. https://t.co/G4rTyPtTM4 pic.twitter.com/X1m8K1qx6Q

— Palestine Captives 𓂆 (@Palestinecapti1) December 1, 2024

سوشل میڈیا پر جاری کئے گئے ویڈیو میں نواف سلیمہ کو اپنے بھائی ایہم سلیمہ کو یہ کہتے ہوئے سنا جاسکتا ہے کہ ’’وہ تمہاری طرح ہیں۔ انہیں اپنے وطن سے محبت کی وجہ سے قید کیا گیا ہے۔‘‘ایہم سلیمہ اسرائیلی جیلوں میں قید کم عمر بچوں میں سے ایک ہیں۔ ایہم سلیمہ نے فلسطین کے راس العامود میں اپنے گھر میں ڈیڑھ سال نظر بندی کی صعوبتیں جھیلی ہیں۔ جیل انتظامیہ نے ان کے اہل خانہ کی ایہم سلیمہ کو خوراک، جوتے، کپڑے اور دیگر چیزیں ساتھ میں دینے کی درخواست مسترد کی ہے۔

یہ بھی پڑھئے: اسرائیل: ٹرمپ کی دھمکی کا خیر مقدم، غزہ کے حالات مزید خراب ہونے کا خدشہ

فلسطینی پریزنرز سوسائٹی کے مطابق ’’مختلف اسرائیلی جیلوں جیسے عافر ، میگیدو اوردیمون میں۲۷۰؍ فلسطینی بچے قید ہیں۔۱۵؍ مئی ۲۰۲۳ء کو رات میں چھاپے کے وقت ایہم سلیمہ کو ان کے بھائی، کزن محمد اور معتز کے ساتھ حراست میں لیا گیا تھا۔ نومبر میں اسرائیلی پارلیمنٹ نے عارضی طور پر ۵؍ سال کے احکام کو منظوری دی تھی جس کے مطابق کسی بھی بچے کو ایسے جرم انجام دینے پر جو دہشت گردی کے زمرے میں آتے ہیں ، کیلئے ۱۲؍سال کی عمر سے جیل بھیجا جاسکتا ہے۔ اس بل کو دوسری اور تیسری ریڈنگ میں ۵۵؍ میں سے ۳۳؍ ووٹوں سے منظوری دی گئی تھی۔ اس بل کے تحت بچوں کو ۱۴؍ سال کی عمر تک پہنچے کے بعد بھی جیل کی سزا کانٹی ہوگی۔