ہندوستانی ایئر لائن کمپنی ایئر انڈیا کے ساتھ ہی اٹلی کی آئی ٹی اے اور جرمنی کی لفتسھانسا نے تل ابیب (اسرائیل) کیلئے اپنی پروازیں منسوخ  کردی ہیں۔ فلائی دبئی نے بیروت کیلئے اپنی پروازیں محدود کردی ہیں۔ پروازوں کی معطلی بالترتیب ۸؍ اگست اور ۶؍ اگست ۲۰۲۴ء تک برقرار رہیں گی۔

مشرق وسطیٰ میں بڑھتے تناؤ کے پیش نظر ہندوستانی ایئر لائن کمپنی ایئر انڈیا نے تل ابیب ،اسرائیل کیلئے اپنی تمام پروازیں ۸؍ اگست ۲۰۲۴ء تک معطل کردی ہیں۔ اسی طرح اٹلی کی آئی ٹی اے اور جرمنی کی لفتھانسا نے بھی تل ابیب کیلئے اپنی پروازیں بالترتیب ۶؍ اگست اور ۸؍ اگست ۲۰۲۴ء تک منسوخ کردی ہیں۔تینوں ہی کمپنیوں نے اپنے مسافروں اور عملے کی حفاظت کو یقینی بنانے کیلئے یہ اقدام کیا ہے۔ 

ANNOUNCEMENT

In view of the ongoing situation in parts of the Middle East, we have suspended scheduled operation of our flights to and from Tel Aviv with immediate effect up to and including 08 August 2024. We are continuously monitoring the situation and are extending support…

— Air India (@airindia) August 2, 2024

لفتھانسا کے ترجمان نے کہا ہے کہ اس نے لبنان نے دارالحکومت بیروت کی بھی تمام پروازیں ۱۲؍ اگست ۲۰۲۴ء تک روک دی ہیں۔ واضح رہے کہ اسرائیل کے زیر قبضہ گولان کی پہاڑیوں میں سنیچر کو ہوئے حملوں میں ۱۲؍ بچوں اور نوعمروں کی ہلاکت کے بعد سے خطرہ پیدا ہوگیا ہے کہ اسرائیل لبنان پر حملہ کرے گا۔ اس کے پیش نظر کمپنیاں ان حساس علاقوں کیلئے پروازیں منسوخ کررہی ہیں۔ اسرائیل کا دعویٰ ہے کہ یہ حملے حزب اللہ نے کئے ہیں جبکہ حزب اللہ نے اس الزام کی تردید کی ہے۔

🔻TEL AVIV - NEWS🔺
Due to the geopolitical developments in the Middle East and to ensure the safety of its passengers and crews, ITA Airways has decided to suspend flights to and from Tel Aviv from today, August 1, until August 6 included.
The situation is constantly evolving.… pic.twitter.com/y4lsfavl1E

— ITA Airways (@ITAAirways) August 1, 2024

یاد رہے کہ دبئی کی ایئر لائن کمپنی فلائی دبئی نے منگل کو اعلان کیا تھا کہ اس نے اسرائیل اور حزب اللہ کے درمیان بڑھتی ہوئی کشیدگی کے پیش نظر بیروت، لبنان کیلئے اپنی پروازوں میں ردوبدل کررہا ہے۔ فلائی دبئی کے ترجمان نے خلیج ٹائمز کو بتایا ہے کہ ’’فلائی دبئی، بیروت ایئرپورٹ کیلئے ۲؍ اگست تک یومیہ دو پروازیں روانہ کرے گا۔‘‘