غزہ کی وزارت صحت نے متنبہ کیا ہے کہ غزہ میں آئندہ ۴۸؍ گھنٹوں میں ایندھن کی کمی کے سبب اسپتال بند ہوسکتے ہیں۔ وزارت صحت نے اسرائیل پر غزہ کے اسپتالوں میں طبی سپلائی میں رکاوٹ پیدا کرنے کا الزام عائد کیا۔

غزہ میں صحت کے حکام نے متنبہ کیا ہے کہ غزہ کے اسپتالوں کو۴۸؍ گھنٹوں میں یاتو اپنی خدمات ختم کرنی ہوگی یا کم کرنی ہوگی۔ صحت کے حکام نے اسرائیل پر طبی امداد میں رکاوٹ ڈالنے کا الزام بھی عائد کیا۔ اس ضمن میں غزہ کے فیلڈ اسپتال کے ڈائریکٹر نے کہا کہ ’’ہم نے غزہ کے تمام اسپتالوں کو خبردار کیا ہے کہ وہ ایندھن کی کمی کی وجہ سے اگلے ۴۸؍ گھنٹوں میں یا تو اپنی خدمات روک دیں یا کم کر دیں۔‘‘

یہ بھی پڑھئے: اسمبلی انتخابات نتائج: مہاراشٹر میں مہایوتی، جھارکھنڈ میں انڈیا بلاک

انہوں نے مزید کہا کہ ’’ہم تمام عالمی اداروں سے مطالبہ کرتے ہیں کہ وہ عالمی فوجداری عدالت کے غزہ میں نسل کشی کی جنگ کو روکنے کے فیصلے پر کام کریں۔‘‘ یاد ہرے کہ جمعرات کو آئی سی سی نےاسرائیلی وزیراعظم بنجامن نیتن یاہو اورسابق اسرائیلی وزیر دفاع یوو و گیلنٹ کے خلاف حراستی وارنٹ جاری کیا تھا۔ ۷؍ اکتوبر ۲۰۲۳ء کو جنگ کی شروعات کے بعد غزہ مسلسل انسانی بحران کا سامنا کر رہا ہے۔

Kamal Adwan Hospital in the northern #Gaza was drone attacked last night, causing damage to the electricity generator on which the entire hospital relies. As a result, the oxygen system is out of service. Due to the ongoing hostilities and severely restricted access, the hospital… pic.twitter.com/lllP1OkzFX

— Tedros Adhanom Ghebreyesus (@DrTedros) November 22, 2024

غزہ کے اسپتالوں میں ادویات اور ایندھن کی کمی ہے
اکتوبر کے آخر میں غزہ کی وزارت صحت نے رپورٹ کیا تھا کہ شمالی غزہ کے اسپتالوں میں خدمات ختم ہوچکی ہیں۔شمالی غزہ کے کمال ادوان اسپتال کے ڈائریکٹر حسام ابوصفیہ نے بتایا تھا کہ ’’شمالی غزہ کے واحد اسپتال جو عارضی طور پر جاری ہے اور وہاں ادویات اور دیگر طبی سپلائی کی کمی ہے۔‘‘

ڈبلوی ایچ او نے غزہ کے کمال اودان اسپتال کے تعلق سے کہا تھا کہ’’ہم غزہ کے کمال ادوان اسپتال کے تعلق سے تشویش میں ہیں۔‘‘