آئی سی سی نے اسرائیلی وزیراعظم بنجامن نیتن یاہو اور ان کے سابق وزیر دفاع یوو گیلنٹ کو جنگی جرائم کا مرتکب قرار دیتے ہوئے ان کے خلاف گرفتاری کے ورانٹ جاری کئے ہیں۔ حماس لیڈر ابراہیم المصری کی گرفتاری کا وارنٹ بھی جاری کیا گیا ہے۔

 بین الاقوامی فوجداری عدالت (آئی سی سی، انٹرنیشنل کریمنل کورٹ) نے آج اسرائیلی وزیر اعظم بنجامن نیتن یاہو، ان کے سابق وزیر دفاع یوو گیلنٹ اور حماس کے لیڈر ابراہیم المصری کے خلاف غزہ جنگ کے دوران جنگی جرائم اور انسانیت کے خلاف جرائم کا الزام عائد کرتے ہوئے گرفتاری کے وارنٹ جاری کئے۔ بیان میں کہا گیا ہے کہ ’’چیمبر نے ۸؍ اکتوبر ۲۰۲۳ء سے ۲۰؍ مئی ۲۰۲۴ء تک انسانیت کے خلاف جرائم اور جنگی جرائم کے ارتکاب کیلئے دو افراد، بنجامن نیتن یاہو اور یوو گیلنٹ کی گرفتاری کے وارنٹ جاری کئے۔‘‘

Situation in the State of Palestine:#ICC Pre-Trial Chamber I rejects the State of Israel’s challenges to jurisdiction and issues warrants of arrest for Benjamin Netanyahu and Yoav Gallant. Learn more ⤵️ https://t.co/opHUjZG8BL

— Int`l Criminal Court (@IntlCrimCourt) November 21, 2024

یاد رہے کہ یہ فیصلہ ۲۰؍ مئی کو آئی سی سی کے پراسیکیوٹر کریم خان کے مقدمہ دائر کرنے کے بعد سامنے آیا ہے۔ دریں اثناء، اسرائیل نے عدالت کے دائرہ اختیار کو مسترد کرتے ہوئے غزہ میں جنگی جرائم کی تردید کی ہے۔ اسرائیل نے کہا ہے کہ اس نے ابراہیم المصری المعروف محمد دیف کو فضائی حملے میں ہلاک کیا ہے لیکن حماس نے اس کی تصدیق کی ہے نہ تردید۔ اس فیصلے سے نیتن یاہو اور دیگر کو بین الاقوامی طور پر مطلوب مشتبہ افراد میں تبدیل کر دیا گیا ہے۔نیتن یاہو اور دیگر اسرائیلی لیڈروں نے آئی سی سی کے چیف پراسیکیوٹر کریم خان کی جانب سے وارنٹ جاری کرنے کی درخواست کو توہین آمیز اور سام دشمنی قرار دیتے ہوئے مذمت کی ہے۔ امریکی صدر جو بائیڈن نے بھی پراسیکیوٹر پر تنقید کی اور حماس کے خلاف اسرائیل کے اپنے دفاع کے حق کی حمایت کا اظہار کیا۔