گزشتہ ہفتے اسرائیلی حملے میں شہید ہونے والے ۵۴؍ سالہ خالد نبھان کو سوشل میڈیا پر تعزیتی پیغامات اب بھی بھیجے جارہے ہیں۔ اس دوران درجنوں صارفین نے اعتراف کیا کہ ان کے اسلام سے قربت اور اسلام قبول کرنے کی وجہ خالد نبھان تھے جنہوں نے ’’روح الروح‘‘ فقرے سے دنیا بھر کا جیت لیا تھا۔

۱۶؍ دسمبر کو نصیرات کیمپ پر اسرائیلی بمباری میں جاں بحق ہونے والے خالد نبھان جنہیں ان کے جملے ’’روح الروح‘‘ (سول آف مائی سول) کیلئے جانا جاتا ہے، کو اب بھی سوشل میڈیا پر خراج عقیدت پیش کیا جارہا ہے۔ ۵۴؍ سالہ خالد نبھان کی ۳؍ سالہ پوتی ریم گزشتہ سال اسرائیلی بمباری میں جاں بحق ہوگئی تھی جسے اپنی بانہوں میں لے کر دادا نے متذکرہ جملہ کہا تھا، اور پھر وہ غزہ میں جاری اسرائیلی جارحیت کے خلاف مسکراہٹ اور مزاحمت کی علامت بن گئے تھے۔ کیمپوں میں رہنے اور در در بھٹکنے رہنے کے باوجود خالد نبھان کے ہونٹوں سے کبھی مسکراہٹ غائب نہیں ہوئی۔ وہ ہمہ وقت سب کی مدد کیلئے تیار رہتے ، اور آگے بڑھ بڑھ کر اپنے لوگوں کی مدد کرتے ۔ ان کے ویڈیوز سوشل میڈیا پر خوب وائرل ہوتے جنہیں لاکھوں لائلس اور کمنٹس ملتے اور دنیا بھر کے لوگ ان کے جذبے کو سراہتے۔

Khaled Nabhan was everything the media doesn’t want you to think Palestinian men are: gentle, loving, joyful, indispensable community builders. He spent the last year of his life finding ways to comfort displaced children in Gaza. These are the men they don’t want you to see. pic.twitter.com/vfbtv86PA4

— Chelsea Hart ۴۰۳۰ (@chelseahartisme) December 16, 2024

ان کے انتقال کے بعد سے سوشل میڈیا پر درجنوں افراد ان کی تصاویر اور ویڈیو شیئر کرتے ہوئے کیپشن لکھ رہے ہیں ’’انکل خالد! جن سے متاثر ہوکر مَیں نے اسلام قبول کیا۔‘‘
انسٹاگرام پر کرسٹوفر میک نامی صارف نے خالد نبھان کی تصویر شیئر کرتے ہوئے لکھا کہ ’’انہوں نے مجھے بتایا کہ سچا ایمان کیا ہے۔ اللہ نے مجھے اس سچے انسان کے ذریعے صراط مستقیم دکھایا۔‘‘
اس دوران خالد نبھان کے وہ ویڈیوز بھی وائرل ہورہے ہیں جن میں وہ غزہ کے بچوں کے ساتھ کھیل رہے ہیں۔ ایک ویڈیو میں بلیوں کا ایک جھنڈ اُن کے پیچھے دوڑ رہا ہے، اور پھر وہ اس جھنڈ کو کھانا کھلاتے نظر آرہے ہیں۔ 

Khaled Nabhan was everything the media doesn’t want you to think Palestinian men are: gentle, loving, joyful, indispensable community builders. He spent the last year of his life finding ways to comfort displaced children in Gaza. These are the men they don’t want you to see. pic.twitter.com/vfbtv86PA4

— Chelsea Hart ۴۰۳۰ (@chelseahartisme) December 16, 2024

اٹلی کے فریڈیلا جیوانی نامی صارف نے خالد نبھان کی تصویر کے ساتھ پوسٹ کیا کہ ’’آپ کا شکریہ! آپ کے ذریعے مَیں نے اسلام کے بارے میں جاننا شروع کیا، اور آپ کا کشریہ کہ جون ۲۰۲۴ء میں مَیں نے اسلام قبول کرلیا۔ مَیں نے سوچا تھا کہ ایک دن آپ سے ضرور ملاقات کروں گا اور آپ کے گلے لگوں گا۔ لیکن شاید یہ تقدیر میں نہیں تھا۔ مگر ہم ایک دوسرے سے ضرور ملیں گے۔ اللہ آپ کو جنت میں اعلیٰ مقام عطا کرے۔‘‘

Gaza cats will miss the adorable soul of Khaled Nabhan, the Palestinian icon who was murdered by Israel.

Nabhan`s legacy is full of kindness, resilience and steadfastness. He and his grandchildren became the soul of the free people`s souls. pic.twitter.com/hJQcWdIStU

— PALESTINE ONLINE 🇵🇸 (@OnlinePalEng) December 19, 2024

اپنے ایک انٹرویو میں خالد نبھان نے بتایا تھا کہ وہ ریم کو ’’روح الروح‘‘ اس لئے کہتے تھے کہ وہ دادا اور پوتی دونوں کا یوم پیدائش ایک ہی تھا۔
پاؤلا نامی ہسپانوی خاتون نے انسٹاگرام کمنٹ میں لکھا کہ ’’مَیں نے قرآن مجید کی تلاوت کا آغاز ان کے (خالد نبھان) مستحکم ایمان اور عقدیہ کو دیکھتے ہوئے کیا تھا۔ مَیں نے نصف قرآن مجید کا مطالعہ کرلیا ہے اور اس مقدس کتاب نے میرا نظریہ بدل دیا ہے۔ اس نے مجھے امید اور بے شمار معلومات دی ہیں، اور اب وہ دن دور نہیں جب میں انکل خالد کی وجہ سے اسلام میں داخل ہوجاؤں گی۔‘‘

RIP brother Khalid Nabhan🙏🏼🇵🇸

Tu seras toujours vivant dans nos cœurs. Et on se souviendra toujours de toi. Aujourd`hui, demain et toujours. pic.twitter.com/KEFZeKj607

— L`Anachorète ... Penseur solidaire. (@racmess) December 19, 2024

کئی سوشل میڈیا صارفین نے خالد نبھان کے بارے میں لکھا کہ ان کا مسکراتا چہرہ آج بھی انہیں جذباتی کردیتا ہے اور ان کی آنکھوں سے آنسو جاری ہوجاتے ہیں۔ انکل خالد نے اپنے اعمال سے بتایا کہ حقیقت میں اسلام کیا ہے۔ انہوں نے اپنے ایک ایک عمل سے لوگوں کے دلوں میں اسلام کا بیج بویا ہے۔ کئی سوشل میڈیا صارفین نے انہیں خراج عقیدت پیش کرنے کیلئے ان کیلئے انگریزی اور عربی میں نظمیں بھی لکھیں۔ 
شان پال نامی ایک یوٹیوبر نے خالد نبھان کا ایک مختصر ویڈیو شیئر کرتے ہوئے لکھا کہ ’’ان کا شمار اُن لوگوں میں ہوتا ہے جنہوں نے مجھے اسلام کے مطالعے کی طرف راغب کیا اور پھر مَیں نے اسلام قبول کرلیا۔‘‘

Khaled Nabhan was a remarkable soul, martyred in Gaza, who won millions of hearts through his unwavering love. His compassion for children, parents,&even animals during times of war set him apart. Such selflessness is rare, and he will be remembered forever for his kindness&care. pic.twitter.com/wrJ398OICL

— abdul salam عبدالسلام (@salammadani) December 17, 2024

ان کے انتقال کے بعد سوشل میڈیا پر ہیش ٹیگ ٹرینڈ ہوا جس میں انہیں ’’دی سول آف اَوَر سول‘‘ (The Soul of Our Soul) قرار دیا گیا۔ مختلف فنکار اپنے اپنے انداز میں خالد نبھان کو خراج عقیدت پیش کررہے ہیں۔ فلسطین اور دیگر ممالک کی مختلف دیواروں پر ان کا میورل بنایا گیا ہے۔ جن اکاؤنٹس پر ان کی تصاویر اور ویڈیوز پوسٹ کئے جارہے ہیں ان کے کمنٹس میں صارفین اعتراف کررہے ہیں کہ خالد نبھان نے اسلام کے متعلق ان کا نظریہ تبدیل کردیا اور وہ اس مذہب سے قریب ہونے لگے۔ درجنوں افراد قرآن مجید اور اسلام کا مطالعہ کررہے ہیں اور امید ہے کہ وہ جلد ہی مشرف بہ اسلام ہوجائیں گے۔