فلسطینی سفیر ریاض منصور نے کہا کہ فلسطین اقوام متحدہ کی سلامتی کونسل سے غزہ میں جنگ بندی کی قرارداد منظور کرنے کا مطالبہ جاری رکھے گا۔

جنوبی غزہ کے خان یونس میں اسرائیلی بمباری کے نتیجے میں بچوں سمیت۱۳؍ افرادجاں  بحق ہوگئے۔ شہری دفاع اور حماس کی وزارت صحت کی رپورٹ کے مطابق جنوبی غزہ پٹی کے شہر خان یونس پر اسرائیلی حملوں کے سلسلے میں ۷؍ بچوں سمیت کم از کم۱۳؍ فلسطینی مارے گئے۔ سول ڈیفنس نے خان یونس شہر کے مغرب میں بے گھر افراد کی خیمہ بستی پراسرائیلی میں چار بچوں کی شہادت اور بیس زخمیوں کو منتقل کرنے کا اعلان کیا۔ ایک عینی شاہد نے بتایا کہ اسرائیلی طیاروں نے خان یونس شہر کے مغرب میں واقع المواصی کے علاقے میں بے گھر ہونے والے افراد کے خیموں پر دو فضائی حملے کیے، جس کے نتیجے میں خیموں میں آگ بھڑک اٹھی۔ انہوں نے مزید کہا کہ چار بچے اور بڑی تعداد میں زخمیوں کو نکال لیا گیا ہے۔ اس کے علاوہ سول ڈیفنس نے ایک اور بیان میں اعلان کیا ہے کہ خان یونس کے جنوب میں واقع علاقے قیزان میں ایک رہائشی مکان پر بمباری کے بعد تین بچوں سمیت پانچ افراد مارے گئے۔ انہوں نے بتایا کہ دو افراد اسرائیلی حملے میں مارے گئے جس نے خان یونس کے جنوب مشرق میں ایک کار کو نشانہ بنایا۔ دو دیگر افراد شہر کے وسط میں ایک رہائشی اپارٹمنٹ پر بمباری میں مارے گئے۔ 
اقوام متحدہ میں فلسطینی سفیر نے کیا کہا؟
  فلسطین غزہ پٹی میں جنگ بندی سے متعلق اقوام متحدہ کی سلامتی کونسل کی قرارداد پر زور دینا جاری رکھے گا۔ یہ اطلاع اقوام متحدہ میں فلسطینی سفیر ریاض منصور نے آر آئی اے نووستی کو دی۔ نومبر۲۰۲۴ء میں، اقوام متحدہ کی سلامتی کونسل نے غزہ پٹی میں فوری، غیر مشروط اور مستقل جنگ بندی اور تمام یرغمالیوں کی رہائی کا مطالبہ کرتے ہوئے ایک مسودہ قرارداد کو منظور کرنے کی کوشش کی۔ اس دستاویز کو امریکہ نے ویٹو کر دیا تھا، جو پہلے ہی پانچ بار کونسل کے ایسے اقدامات کو روک چکا ہے۔ منصور نے کہا ’’ہمیں اس جنگ کو روکنے کی ضرورت ہے، اور ہم اقوام متحدہ چارٹر کے باب سات کے تحت ایک قرارداد کو اپنانے کیلئے سلامتی کونسل مطالبہ کرتے رہیں گے جس میں فوری اور غیر مشروط جنگ بندی کا مطالبہ کیا جائے گا۔ ‘‘