اردن کے دارالحکومت عمان میں میٹنگ کے دوران او آئی سی اور عرب لیگ کانٹیکٹ آن غزہ گروپ کے اراکین نےغزہ میں اسرائیل کی نسل کشی کو ختم کرنے، جنگ بندی کے مذاکرات کو آگے بڑھانے، غزہ میں انسانی امداد کی رسائی کو آسان بنانے اور مغربی کنارے میں اسرائیل کے قبضے میں اضافہ، مسجد اقصیٰ اور مقبوضہ مشرقی یروشلم کی تاریخی حیثیت کے خلاف اشتعال انگیزی کے معاملے کے حل کے تعلق سے گفتگو کی۔

ترکی کے وزیر خارجہ ہاکان فیدان نے آرگنائزیشن فاراسلامک کارپوریشن (او آئی سی) اور عرب لیگ کاٹیکٹ گروپ آن غزہ کے اراکین ممالک سے غزہ کے معاملے پر عمان،اردن میں ملاقات کی ۔ بدھ کو اردن کے دارالحکومت عمان میں میٹنگ کے دوران اراکین نے غزہ میں اسرائیل کی نسل کشی کو ختم کرنے، جنگ بندی کے مذاکرات کو آگے بڑھانے ، غزہ میں انسانی امداد کی رسائی کو آسان بنانے اور مغربی کنارے میں اسرائیل کے قبضے میں اضافہ، مسجد اقصیٰ اور مقبوضہ مشرقی یروشلم کی تاریخی حیثیت کے خلاف اشتعال انگیزی کے معاملے کے حل کے تعلق سے گفتگو کی۔

Regarding the Meeting of the Organization of Islamic Cooperation and Arab League Contact Group on Gaza in Amman https://t.co/7EYEcAddtN pic.twitter.com/iT7UoA1AL8

— Turkish MFA (@MFATurkiye) September 18, 2024

ترکی کےو زیر خارجہ ہاکان فیدان کی گفتگو کے بعد ترکی کی وزارت خارجہ کی جانب سے جاری کئے گئے بیان میں کہا گیا ہے کہ ’’غزہ میں اسرائیل کی نسل کشی، فلسطینیوں کے خلاف اسرائیل کے غیر قانونی یہودی آبادکاروں کا فلسطینیوں پر تشدد اور مغربی کنارے میں اسرائیل کے فوجی حملوں میں اضافہ خطرناک ہے۔ 

یہ بھی پڑھئے: اٹلی: ایمیلیا رومانیا میں سیلاب، ہزاروں افراد کا انخلاء

عالمی برادری کو اسرائیل کے حملوں کو ختم کرنے کیلئے، جس سے ہمارے علاقے اور عالمی قوانین کے استحکام کو خطرہ لاحق ہے، فوری کارروائی کرنی چاہئے تا کہ اس سے تنازعے میں کمی آئے۔وزارت خارجہ کی جانب سے جاری کئے گئے بیان کے مطابق ’’او آئی سی اور عرب لیگ کانٹیکٹ گروپ آن غزہ فلسطینی ریاست کے قیام کیلئے دو ریاستی حل کے فوری نفاذ ،دیگر ممالک کے ذریعے فلسطینی ریاست کے قیام کی حمایتی اور اقوام متحدہ میں فلسطین کی مکمل رکنیت کیلئے اپنی جدوجہد کو جاری رکھے گا۔خیال رہے کہ یہ میٹنگ میڈریڈ میں گروپ کی میٹنگ کے بعد سامنے آئی ہے جس میں اسپین، ناروے، سولوانیا، یورپی کمیشن اور دیگر ممالک کے نمائندوں نے شرکت کی تھی۔