مشرقی وسطیٰ اور مشرقی افریقہ کیلئے امریکی محکمہ خارجہ کی ترجمان ہالہ رہرٹ نے غزہ کیلئے امریکہ کی پالیسی کے خلاف احتجاجاً استعفیٰ دے دیا ہے۔ انہوں نے کہا کہ ’’۱۸؍ سال محکمہ کو اپنی خدمات پیش کرنے کے بعد بائیڈن انتظامیہ کی غزہ کیلئے پالیسی کے خلاف احتجاجاً استعفیٰ دیا ہے۔‘‘

مشرقی وسطیٰ اور مشرقی افریقہ کیلئے امریکی محکمہ خارجہ کی ترجمان ہالہ رہرٹ نے غزہ کیلئے امریکہ کی پالیسی کے خلاف احتجاجاً استعفیٰ دے دیا۔ خیال رہے کہ امریکی ڈپارٹمنٹ سے غزہ کیلئے بائیڈن انتظامیہ کی پالیسی کے خلاف ادارے سے یہ تیسرا استعفیٰ ہے۔ ڈپارٹمنٹ کی ویب سائٹ کے مطابق ہالہ رہرٹ دبئی ریجنل میڈیا ہب کی ڈپٹی ڈائریکٹر بھی ہیں اور وہ ۲؍ دہائیوں پہلے سیاسی اور ہیومن رائٹس آفیسر کے طور پر امریکہ ریاستی ڈپارٹمنٹ میں داخل ہوئی تھیں۔

یہ بھی پڑھئے: غزہ میں ۷؍ لاکھ افراد بھکمری کا سامنا کرنے پر مجبور ہیں: عالمی رپورٹ

ہالہ نے اپنی لنکڈ ان پوسٹ میں لکھاہے کہ ’’ میں نے ۱۸؍ سال محکمہ میں اپنی خدمات پیش کرنے کے بعد غزہ کیلئے امریکی پالیسی کے خلاف احتجاجاً استعفیٰ دیا ہے۔ امن اور اتحاد کیلئے ہتھیاروں کی نہیں جبکہ سفارتی گفتگو کی ضرورت ہے۔ ‘‘

Kudos to Hala Rharrit & other ex-@StateDept officials Josh Paul & @AnnelleSheline for doing the right thing. "Diplomacy, not arms. Be a force for peace and unity." https://t.co/7k48Qn1jAJ pic.twitter.com/2lmYq70HJk

— Nole (@NoleReeve) April 25, 2024

ریاستی محکمہ کی ترجمان سے جمعرات کو جب ان کے استعفیٰ کے تعلق سے سوال کیا گیا تھا تو انہوں نے بتایا تھا کہ ’’ہمارے محکمہ میں ملازمین کو ایسی سہولیات مہیا ہیں کہ آپ کسی چیز سے اختلاف کرتے ہیں تو اپنے نظریات پیش کر سکتے ہیں۔‘‘ خیال رہے کہ ایک ماہ قبل ریاستی ڈپارٹمنٹ میں کام کرنے والی اینیل شیلین نے بھی استعفیٰ دیا تھا۔

Respect to Hala Rharrit, who resigned from her post as US State Department Arabic Spokesperson, over Biden`s policy concerning #Gaza.#RespectToHala pic.twitter.com/PxYzIKV2b2

— Fadi Al-Qadi (@fqadi) April 26, 2024

قبل ازیں اکتوبر میں ریاستی حکمہ کے حکام جوش پاؤل نے اپنے استعفیٰ کا اعلان کیا تھا۔ جنوری میں فلسطینی نژاد امریکہ طارق ہباس، جو امریکہ تعلیمی ادارے کے سینئر آفیسر ہیں، نے غزہ سے اظہار یک جہتی کے طور پر استعفیٰ کا اعلان کیا تھا۔واضح رہے کہ بائیڈن انتظامیہ کو عالمی برادری اور حقوق انسانی کے اداروں کی جانب سے اسرائیل کی حمایت کرنے کیلئے مسلسل تنقید کا نشانہ بنایا جا رہا ہے جس نے غزہ میں سیکڑوں ہزاروں فلسطینیوں کو موت کے گھاٹ اتارا ہے، انسانی بحران کی وجہ بنا ہے اور عالمی عدالت میں نسل کشی کا مرتکب ٹھہرایا گیا تھا۔