ایشین ڈیولپمنٹ بینک نے کہا:ہندوستان کی معیشت نے عالمی جغرافیائی سیاسی چیلنج کا سامنا کرتے ہوئے نمایاں لچک کا مظاہرہ کیا ہے۔

ایشیائی ترقیاتی بینک (اے ڈی بی) نے بدھ کو ہندوستان کی اقتصادی ترقی کے مضبوط رہنے کا اندازہ ظاہر کرتے ہوئے کہا کہ۳۱؍ مارچ۲۰۲۵ء کو ختم ہونے والے مالی سال میں مجموعی گھریلو پیداوار (جی ڈی پی) میں ۷ء۰؍ فیصد  اور اس کے اگلے مالی سال میں ۷ء۲؍ فیصد اضافے کی توقع ہے۔یہ تخمینے اے ڈی بی کے ایشیائی ترقیاتی آؤٹ لک ستمبر ۲۰۲۴ء میں لگائے گئے ہیں۔ یہ تخمینہ اے ڈی بی کے پہلے  کے مطابق ہی ہے۔
ہندوستان کیلئے  اے ڈی بی کے کنٹری ڈائریکٹر میو اوکا نے کہاکہ ’’ہندوستان کی معیشت نے عالمی جغرافیائی سیاسی چیلنج کا سامنا کرتے ہوئے نمایاں  لچک کا مظاہرہ کیا ہے اور وہ مستحکم ترقی کیلئے  تیار ہے۔ زرعی اصلاحات دیہی اخراجات کو فروغ دیں گی، جو صنعت اور خدمات کے شعبوں کی مضبوط کارکردگی کے اثرات کو پورا کرے گی۔‘‘
رپورٹ میں اس بات پر روشنی ڈالی گئی ہے کہ ملک کے بیشتر حصوں میں اوسط سے زیادہ مانسون سے زرعی ترقی ہوگی، جس سے رواں مالی سال میں دیہی معیشت میں اضافہ ہوگا۔ یہ رواں مالی سال اور اگلے مالی سال کیلئے  صنعت اور خدمات کے شعبوں، نجی سرمایہ کاری اور شہری کھپت کیلئے  مثبت نقطہ نظر کو برقرار رکھتا ہے۔ مزید برآں، مزدوروں اور فرمز کو روزگار سے منسلک مراعات کی پیشکش کرنے والی ایک نئی حکومتی پالیسی لیبر کی طلب کو بڑھا سکتی ہے اور اگلے مالی سال سے شروع ہونے والے روزگار کے مواقع پیدا کرنے میں مدد کرسکتی ہے۔
حکومت کی مالی استحکام کی کوششوں کے ساتھ، مرکزی حکومت کا قرض گزشتہ مالی سال میں  جی ڈی پی کے۵۸ء۲؍ فیصد سے کم ہو کر رواں مالی سال میں ۵۶ء۸؍ فیصد رہنے کا تخمینہ ہے۔ عام حکومتی خسارہ، جس میں ریاستی حکومتیں شامل ہیں، رواں مالی سال میں جی ڈی پی مصنوعات کے۸؍ فیصد سے نیچے رہنے کی امید ہے۔
زیادہ زرعی پیداوار کی توقعات کے باوجود، اشیائے خوردونوش کی بڑھتی ہوئی قیمتوں کی وجہ سے رواں مالی سال میں صارفین کی افراط زر۴ء۷؍ فیصد تک ہونے کا اندازہ ہے۔ اس نے ہندوستان کے مرکزی بینک کو زیادہ موافق مانیٹری پالیسی اپنانے سے روکا ہے۔ اگر بہتر زرعی سپلائی سے خوراک کی قیمتوں میں اضافہ کم ہوتا ہے، تو مرکزی بینک رواں مالی سال میں پالیسی ریٹ کو کم کرنا شروع کر سکتا ہے، اس طرح قرض میں توسیع کے امکانات بڑھ سکتے ہیں۔
اس میں کہا گیا ہے کہ ہندوستان کا کرنٹ اکاؤنٹ خسارہ رواں مالی سال میں جی ڈی پی کا۱ء۰؍ فیصد اور اگلے مالی سال میں ۱ء۲؍فیصد رہنے کا تخمینہ ہے، جو بہتر برآمدات، کم درآمدات اور مضبوط ترسیلات زر کی وجہ سے دونوں برسوں کے لئے ۱ء۷؍ فیصد کی پچھلی پیشین گوئی سے کم ہے۔قریبی مدت کی ترقی کے خطرات میں جغرافیائی سیاسی جھٹکے شامل ہیں جو عالمی سپلائی چین اور اجناس کی قیمتوں میں خلل ڈال سکتے ہیں، نیز زرعی پیداوار کیلئے  موسم سے متعلق خطرات بھی شامل ہیں۔ یہ نقطہ نظر مرکزی حکومت کی جانب سے موجودہ مالی سال میں اپنے سرمائے کے اخراجات کے ہدف کو حاصل کرنے پر مبنی ہے۔ ان خطرات کو  براہ راست غیر ملکی سرمایہ کاری کے ذریعہ آفسیٹ کیا جا سکتا ہے، جو خاص طور پر مینوفیکچرنگ میں ترقی اور سرمایہ کاری میں مدد دے سکتا ہے۔
رپورٹ میں کیا ہے؟
رپورٹ میں اس بات پر روشنی ڈالی گئی ہے کہ ملک کے بیشتر حصوں میں اوسط سے زیادہ مانسون سے زرعی ترقی ہوگی، جس سے رواں مالی سال میں دیہی معیشت میں اضافہ ہوگا۔ یہ رواں مالی سال اور اگلے مالی سال کیلئے  صنعت اور خدمات کے شعبوں، نجی سرمایہ کاری اور شہری کھپت کیلئے  مثبت نقطہ نظر کو برقرار رکھتا ہے۔ مزید برآں، مزدوروں اور فرمز کو روزگار سے منسلک مراعات کی پیشکش کرنے والی ایک نئی حکومتی پالیسی لیبر کی طلب کو بڑھا سکتی ہے ا