وزیر اعظم نریندر مودی نے بھگوت گیتا اور بھارت منی کے ناٹیہ شاستر کو یونیسکو کے’’ `میموری آف دی ورلڈ رجسٹر‘‘ میں شامل کئے جانے پر خوشی کا اظہار کیا ہے۔ انہوں نے اسے ہر ہندوستانی کیلئے فخر کا لمحہ قرار دیا۔

وزیر اعظم نریندر مودی نے بھگوت گیتا اور بھارت منی کے ناٹیہ شاستر کو یونیسکو کے’’ `میموری آف دی ورلڈ رجسٹر‘‘ میں شامل کئے جانے پر خوشی کا اظہار کیا ہے۔ انہوں نے اسے ہر ہندوستانی کیلئے فخر کا لمحہ قرار دیا۔ دراصل جمعہ کومرکزی وزیر گجیندر سنگھ شیخاوت نے ’ایکس‘ کے ذریعے اطلاع دی کہ’ `گیتا‘ اور’ `ناٹیہ شاستر‘ کو عالمی ثقافتی ورثے میں شامل کر لیا گیا ہے۔ 
وزیر اعظم مودی کا ردعمل 
مرکزی وزیر شیخاوت کی اس پوسٹ کے جواب میں وزیر اعظم مودی نے لکھا:’’پوری دنیا میں ہر ہندوستانی کیلئے فخر کا لمحہ۔ گیتا اور ناٹیہ شاستر کا یونیسکو کے’ `میموری آف دی ورلڈ رجسٹر‘ میں شامل ہونا ہمارے ابدی علم اور شاندار ثقافت کو عالمی سطح پر تسلیم کئے جانے کا ثبوت ہے۔ گیتا اور ناٹیہ شاستر نے صدیوں سے تہذیب اور شعور کی آبیاری کی ہے۔ ان کی بصیرت آج بھی دنیا کو متاثر کر رہی ہے۔ ‘‘

A proud moment for every Indian across the world!

The inclusion of the Gita and Natyashastra in UNESCO’s Memory of the World Register is a global recognition of our timeless wisdom and rich culture.

The Gita and Natyashastra have nurtured civilisation, and consciousness for… https://t.co/ZPutb5heUT

— Narendra Modi (@narendramodi) April 18, 2025

مرکزی وزیر گجیندر سنگھ شیخاوت کا بیان
شیخاوت نے ’ایکس‘ پر لکھا’’ ہندوستان کی تہذیبی وراثت کیلئے ایک تاریخی لمحہ۔ بھگوت گیتا اور بھارت منی کا ناٹیہ شاستر اب یونیسکو کے’ `میموری آف دی ورلڈ رجسٹر‘ میں شامل کر لیا گیا ہے۔ یہ عالمی اعزاز ہندوستان کی ابدی حکمت اور فنکارانہ صلاحیتوں کا جشن ہے۔ ‘‘انہوں نے مزید کہا کہ یہ لازوال تخلیقات صرف ادبی خزانے ہی نہیں، بلکہ فلسفیانہ اور جمالیاتی بنیادیں بھی ہیں جنہوں نے ہندوستان کے عالمی نظریے اور ہمارے سوچنے، محسوس کرنے، جینے اور اظہار کرنے کے انداز کو تشکیل دیا ہے۔ اب اس بین الاقوامی رجسٹر میں ہندوستان کے۱۴؍ اہم تاریخی دستاویزات شامل ہو چکے ہیں۔ 

A historic moment for Bharat’s civilisational heritage!

The Shrimad Bhagavad Gita & Bharat Muni’s Natyashastra are now inscribed in UNESCO’s Memory of the World Register.

This global honour celebrates India’s eternal wisdom & artistic genius.

These timeless works are more than… pic.twitter.com/Zeaio8OXEB

— Gajendra Singh Shekhawat (@gssjodhpur) April 18, 2025

’میموری آف دی ورلڈ رجسٹر‘ کیا ہے؟
’میموری آف دی ورلڈ رجسٹر‘ یونیسکو کی طرف سے شروع کیا گیا ایک پروگرام ہے، جس کا مقصد دنیا بھر کی اہم تاریخی و دستاویزی وراثت کو محفوظ کرنا اور عام لوگوں کیلئے قابلِ رسائی بنانا ہے۔ اس پروگرام کی شروعات ۱۹۹۲ءمیں ہوئی تھی۔ ثقافتی اور قدرتی ورثے کے احترام و تحفظ کیلئے ہر سال۱۸؍ اپریل کو `ورلڈ ہیریٹیج ڈے (عالمی ورثہ دن) منایا جاتا ہے۔ یہ دن۱۹۷۲ءمیں یونیسکو کے تحت منعقد ہونے والے عالمی ورثہ کنونشن کی یاد میں منایا جاتا ہے، جس میں دنیا بھر کے ممالک نے اہم ثقافتی و قدرتی مقامات کے تحفظ کا عہد کیا تھا۔