یونان میں بدترین ریل حادثے کی دوسری برسی کے موقع پر نقاب پوش نوجوانوں نے پارلیمنٹ کے باہر مظاہرہ کیا، پیٹرول بم پھینکے اور پولیس کے ساتھ جھڑپیں کیں۔

یونان میں بدترین ریل حادثے کی دوسری برسی کے موقع پر نقاب پوش نوجوانوں نے پارلیمنٹ کے باہر مظاہرہ کیا، پیٹرول بم پھینکے اور پولیس کے ساتھ جھڑپیں کیں۔ فرانسیسی خبر رساں ادارے اے ایف پی کی رپورٹ کے مطابق۲۸؍ فروری۲۰۲۳ء کو وسطی شہر لاریسا کے قریب مال بردار ٹرین اور مسافر ٹرین کے حادثے میں ہلاک ہونے والے۵۷؍ افراد کے لئے انصاف کا مطالبہ کرنے کے لئے تقریباً ۲؍لاکھ افراد جمع ہوئے۔ بھیڑ کا زیادہ تر حصہ اس وقت بھاگنے پر مجبور ہو گیا، جب نقاب پوش حملہ آوروں نے پیٹرول بم اور پتھر پھینکے جس کے جواب میں پولیس نے آنسو گیس اور دستی بم داغ دیئے۔ اس کے بعد پولیس نے پانی کی توپ (واٹر کینن) کا استعمال کیا، کیونکہ نوجوانوں نے کچرے کے ڈبوں میں آگ لگا دی نیز بس اسٹاپوں اور دکانوں کی کھڑکیوں میں توڑ پھوڑ شروع کردی تھی۔ اس دوران۴۰؍ سے زیادہ مظاہرین کو گرفتار کرلیا گیا۔ ایمبولینس سروس کا کہنا ہے کہ۹؍ افراد کو اسپتال منتقل کیا گیا جن میں ایک فوٹوگرافر بھی شامل ہے جس کے سر پر دستی بم سے حملہ کیا گیا تھا، ان میں سے کئی کا پارلیمنٹ میں علاج کیا گیا۔