فکی اور ڈیلوئٹ کی روز مرہ کی اشیا کے شعبے سے متعلق رپورٹ کے مطابق ای کامرس میں سال بہ سال ۲۱؍ فیصد کی مضبوط ترقی ہوئی ہے۔

ملک کے اعلیٰ صنعتی ادارے فکی اور کاروباری مشاورتی خدمات کی فرم ڈیلوئٹ کی روز مرہ کی اشیا کے شعبے سے متعلق رپورٹ کے مطابق ای کامرس (آن لائن مارکیٹ) میں سال بہ سال ۲۱؍ فیصد کی مضبوط ترقی ہوئی ہے۔ ہندوستان میں ۲۰۳۰ء میں یہ شرح۳۲۵؍بلین ڈالرس بلین تک پہنچنے کا امکان ہے۔ 
 `ہندوستان میں ایف ایم سی جی، ریٹیل اور ای کامرس سیکٹرس میں ترقی کو فروغ دینے سے متعلق رپورٹ کو یہاں ایف ایم سی جی انڈسٹری پر ایک کانفرنس میں جاری کیا گیا ہے جس کا اہتمام حکومت کے تعاون سے فکی نے کیا تھا۔ 
 اس رپورٹ کے اہم نکات بتاتے ہوئے فکی کی پریس ریلیز میں کہا گیا ہے کہ ’’ `ای کامرس ہندوستان میں سب سے تیزی سے ترقی کرنے والے شعبوں میں سے ایک ہے جس میں ۳۰۔ ۲۰۲۳ء کی مدت کے دوران سال بہ سال ۲۱؍ فیصد کی مضبوط مجموعی ترقی ہوئی ہے۔ ۲۰۳۰ء میں ۳۲۵؍بلین ڈالرس تک پہنچ سکتا ہے۔ 
 فکی کا کہنا ہے کہ اسمارٹ فون کی بڑھتی ہوئی رسائی، انٹرنیٹ تک رسائی اور ڈسپوزایبل آمدنی میں اضافے نے ای کامرس کی توسیع کو ہوا دی ہے۔ پریس ریلیز کے مطابق آج کوئیک کامرس بہت کم وقت میں ضروری اشیاء کی تیز تر فراہمی پر توجہ مرکوز کرتا ہے۔ اس سروس نے روایتی سپلائی چینز میں خلل ڈالا ہے اور اس طرح کھپت کے انداز کو تبدیل کر دیا ہے۔ 
 رپورٹ کے مطابق، دیہی مانگ میں بہتری، مہنگائی میں کمی اور مانسون کے موافق حالات کی وجہ سے، ہندوستان کا ایف ایم سی جی سیکٹر۲۰۳۰ء تک دنیا کا تیسرا سب سے بڑا صارف مارکیٹ ہوگا۔ یہ ترقی ڈی ٹو سی برانڈس سے مسابقت میں اضافے، پریمیمائزیشن پر توجہ مرکوز کرنے اور نوجوان اور متوسط ​​آمدنی والے صارفین کی ضروریات کے مطابق نئی مصنوعات کی ترقی کے ذریعے کارفرما ہے۔ اس کے علاوہ ہندوستان سے ایف ایم سی جی کی برآمدات بڑھ رہی ہیں، جو براہ راست غیر ملکی سرمایہ کاری (ایف ڈی آئی) میں اہم کردار ادا کر رہی ہے۔ 
رپورٹ کے مطابق، ہندوستان کا ریٹیل سیکٹر، جس کی مالیت۲۳۔ ۲۰۲۲ء میں ۷۵۳؍ بلین ڈالر تھی، ۲۷۔ ۲۰۲۶ء تک سالانہ۹ء۱؍ فیصد کی مجموعی ترقی کے ساتھ ترقی کر سکتا ہے اور اس عرصے کے دوران، اس شعبے کی ترقی ہندوستان بڑی معیشتوں میں سر فہرست ہوگا۔ فکی ڈیلوئٹ کا کہنا ہے کہ خردہ فروش تیزی سے اومنی چینل (فروخت کے تمام راستے) کی حکمت عملیوں، ٹیکنالوجی سے چلنے والی تجرباتی فروخت اور ڈیجیٹل مارکیٹنگ کو ہندوستان کے قیمتوں کے حوالے سے حساس لیکن خواہش مند صارفین کیلئے نئے نجی لیبلز متعارف کروا رہے ہیں۔ رپورٹ میں کہا گیا ہے کہ ٹائر۲؍ اور۳؍ شہروں میں ریٹیل نیٹ ورک کی توسیع سے اس ترقی میں اہم کردار ادا کرنے کی امید ہے۔ 
فکی کا کیا کہنا ہے ؟
فکی کا کہنا ہے کہ اسمارٹ فون کی بڑھتی ہوئی رسائی، انٹرنیٹ تک رسائی اور ڈسپوزایبل آمدنی میں اضافے نے ای کامرس کی توسیع کو ہوا دی ہے۔ پریس ریلیز کے مطابق آج کوئیک کامرس بہت کم وقت میں ضروری اشیاء کی تیز تر فراہمی پر توجہ مرکوز کرتا ہے۔ اس سروس نے روایتی سپلائی چینز میں خلل ڈالا ہے اور اس طرح کھپت کے انداز کو تبدیل کر دیا ہے۔