چھوٹے سے میدان میں ڈیڑھ لاکھ افراد کے پہنچنے پر سوال، بابا کے قدم کی دھول حاصل کرنے کیلئے لوگ ٹوٹ پڑے تھے تب یہ حادثہ پیش آیا۔

ہاتھرس میں ستسنگ کے دوران ہونے والی بھگدڑ  ۱۲۱؍ افراد ہلاک ہوئے ہیں۔ اس معاملے میں ہنگامہ بڑھنے کے بعد  یوگی حکومت نے معاملے کی عدالتی جانچ کا حکم دے دیا ہے ۔ اس تعلق سے ایف آئی آر بھی درج کرائی گئی ہے لیکن وہ ستسنگ کے میزبان بھولے بابا کے  بجائے  ان کے چیف خادم دیو پرکاش مدھوکر کے خلاف کی گئی ہے۔پولیس نے دیو پرکاش اور دوسرے منتظمین  کے خلاف نئے فوجداری قوانین کے تحت کیس درج کیا ہے۔  واضح رہے کہ چیف خادم دیو پرکاش ہاتھرس کے سکندرراؤ کے داماد پورہ  کے رہنے والے ہیں ۔ بتایا جارہا ہے کہ ان کے خلاف کیس وزیر اعلیٰ کی ہدایت پر ہی درج کرایا گیا ہے۔ اس سے قبل وزیر اعلیٰ یوگی نے  عدالتی جانچ کا حکم دے دیا اورکہا کہ کسی بھی خاطی کو بخشا نہیں جائے گا۔