وزیر خارجہ کے مطابق آسونسیون میں مہاتما گاندھی کے مجسمے کی نقاب کشائی کرنا اعزاز کی بات ہے۔ آسونسیون میونسپلٹی کی تعریف کی

وزیر خارجہ ایس جے شنکر نے پیر کو پیراگوئے کے دارالحکومت آسونسیون  میں مہاتما گاندھی کے مجسمے کی نقاب کشائی کی۔ڈاکٹر جے شنکر جنوبی امریکہ کے اپنے ۶؍ روزہ دورے میں پہلی بار یہاں آئے ہیں۔ اس سلسلے میں وزیر خارجہ نے ٹویٹ کیا کہ آسونسیون میں مہاتما گاندھی کے مجسمے کی نقاب کشائی کرنا اعزاز کی بات ہے۔ اسے شہر کے مرکزی ساحل پرلگانے کیلئے آسونسیون میونسپلٹی کے فیصلے کی تعریف کرتا ہوں۔ یہ یکجہتی کی علامت ہے جس کا اظہار کووڈ وبا کے دوران اتنی سختی سے کیا گیا تھا۔ انہوں نے تاریخی `کاسا ڈی لا انڈیپینڈینشیا کا بھی دورہ کیا جہاں سے پیراگوئے کی آزادی کی تحریک دو صدیوں سے بھی پہلے شروع ہوئی تھی۔ساؤ پالو میں ہندوستانی برادری سے بات چیت کرتے ہوئے انہوں نے کہا کہ چین کے ساتھ تعلقات انتہائی مشکل دور سے گزر رہے ہیں۔ چین نے۱۹۹۰ء کے اس معاہدے کی خلاف ورزی کی ہے جس میں سرحدی علاقوں میں فوجیوں کے جمع ہونے پر پابندی تھی۔ انہوں نے کہا کہ چین کے اس اقدام سے دونوں ممالک کے تعلقات پر واضح اثر پڑ رہا ہے۔