وزیر خارجہ ڈاکٹر ایس جے شنکر نے اپنے کویتی ہم منصب عبداللہ علی ال یحییٰ کے ساتھ دو طرفہ بات چیت کی۔

وزیر خارجہ ڈاکٹر ایس جے شنکر نے اپنے کویتی ہم منصب عبداللہ علی ال یحییٰ کے ساتھ دو طرفہ بات چیت کی۔ اس دوران دونوں لیڈروں نے سیاسی، تجارت، سرمایہ کاری، توانائی، خوراک کی حفاظت اور عوام سے عوام کے تعلقات سمیت ہندوستان-کویت تعلقات کے تمام پہلوؤں کا جائزہ لیا۔ فریقین نے باہمی دلچسپی کے علاقائی اور بین الاقوامی امور پر بھی تبادلہ خیال کیا۔ یحییٰ نے ۳۔ ۴؍ دسمبر ۲۰۲۴ء کو جے شنکر کی دعوت پر ہندوستان کا دورہ کیا، جو کویت کے وزیر خارجہ کے طور پر ہندوستان کا ان کا پہلا سرکاری دورہ تھا۔ وزارت خارجہ نے ایک بیان میں کہاکہ ’’دونوں وزراء نے وزرائے خارجہ کی سطح پر مشترکہ تعاون کمیشن (جے سی سی) کے قیام سے متعلق ایک مفاہمت نامے پر دستخط کئے۔ جے سی سی کے تحت تجارت، سرمایہ کاری، تعلیم، ٹیکنالوجی، زراعت، سلامتی اور ثقافت کے شعبوں میں نئے مشترکہ ورکنگ گروپس قائم کیے جائیں گے۔ وزیر خارجہ یحییٰ نے اس دورے کے دوران وزیر اعظم نریندر مودی سے بھی ایک ملاقات کی۔ دونوں ممالک کے درمیان مضبوط تاریخی تعلقات کو یاد کرتے ہوئے پی ایم مودی نے کویت میں ۱۰؍ لاکھ سے زیادہ ہندوستانی کمیونیٹی کی فلاح و بہبود کے لیے کویت کی قیادت کی تعریف کی۔