ریزرو بینک آف انڈیاکی طرف سے جاری کردہ رپورٹ میں بتایا گیا ہے کہ یو پی آئی کا استعمال نہ صرف ہندوستان میں بلکہ بین الاقوامی بازاروں میں بھی تیزی سے بڑھ رہا ہے۔

ہندوستان ڈجیٹل ادائیگیوں کی ٹیکنالوجی میں تیزی سے عالمی لیڈر بننے کی طرف گامزن ہے اور اس کا سہرا بنیادی طور پر یونیفائیڈ پیمنٹس انٹرفیس(یوپی آئی) نیٹ ورک کے سر باندھا جاتا ہے، جو بین الاقوامی سطح پر تیزی سے پھیل رہا ہے۔ ریزرو بینک آف انڈیا(آر بی آئی) کی طرف سے جاری کردہ رپورٹ میں بتایا گیا ہے کہ یو پی آئی کا استعمال نہ صرف ہندوستان میں بلکہ بین الاقوامی بازاروں میں بھی تیزی سے بڑھ رہا ہے۔ 
یو پی آئی کی اچھی کارکردگی
رپورٹ کے مطابق، اکتوبر۲۰۲۴ء میں یو پی آئی نیٹ ورک کے ذریعے کل ۱۶ء۶؍ بلین لین دین ہوئے، جو ہندوستانی ڈجیٹل ادائیگی (آر بی آئی ڈیجیٹل ادائیگی) نظام کی کامیابی کو ظاہر کرتا ہے۔ اس عرصے کے دوران انسٹنٹ ڈیبٹ ریورسل (آئی ڈی آر) کی شرح۸۶؍ فیصد تک پہنچ گئی، جب کہ گزشتہ سال اسی عرصے میں یہ شرح ۷۷؍ فیصد تھی۔ یہ عدد ظاہر کرتا ہے کہ یو پی آئی نے نہ صرف ادائیگیوں کی رفتار میں اضافہ کیا ہے بلکہ صارفین کو ایک محفوظ اور فوری لین دین کا تجربہ بھی فراہم کیا ہے۔ 
آر بی آئی کے ڈپٹی گورنر نے کہا ؟
آر بی آئی کے ڈپٹی گورنر مائیکل د ببرتا پاترا نے رپورٹ میں یو پی آئی کے بارے میں بات کرتے ہوئے کہاکہ یو پی آئی ایک کھلا نظام ہے، جو ایک ہی درخواست کے ذریعے ایک شخص یا مرچنٹ سے دوسرے کو مکمل طور پر لین دین کی سہولت فراہم کرتا ہے۔ یہ نظام نہ صرف ہندوستان میں بلکہ بین الاقوامی سطح پر بھی بہت تیزی سے پھیل رہا ہے۔ 
ڈجیٹل کریڈٹ اور مالیاتی خدمات میں جدت
پاترا نے یہ بھی نشاندہی کی کہ ہندوستان میں ڈجیٹل کریڈٹ (آر بی آئی ڈیجیٹل ادائیگی) کے منظر نامے میں بہت سی اختراعات دیکھنے کو مل رہی ہیں، اکاؤنٹ ایگریگیٹرز، او سی ای این ا ور او این ڈی سی جیسی اسکیمیں جنہوں نے مالیاتی خدمات کی رسائی میں اضافہ کیا ہے اور پیداواری صلاحیت میں حصہ ڈالا ہے۔ انہوں نے خاص طور پر او این ڈی سی کا ذکر کیا جو مارچ۲۰۲۴ء تک۷۲۰؍ سے زیادہ شہروں میں فعال ہو گیا۔ او این ڈی سی کے پاس اس وقت ۴۹ء۷۲؍ ملین آرڈرس ہیں، جو ڈجیٹل ادائیگیوں کے بڑھتے ہوئے دائرہ کار کو نمایاں کرتے ہیں۔ 
دیہی اور نوجوان آبادی کی ڈجیٹل شرکت میں اضافہ
ہندوستان میں انٹرنیٹ استعمال کرنے والوں کی تعداد میں مسلسل اضافہ ہو رہا ہے۔ رپورٹ کے مطابق دیہی آبادی کا تقریباً ۴۰؍ فیصد اور۲۰؍ سے ۳۰؍ سال کی عمر کے۷۸؍ فیصد آبادی انٹرنیٹ استعمال کرتی ہے۔ ان میں سے ایک بڑی تعداد آن لائن استعمال کی اشیاء اور خدمات بھی خریدتی ہے۔ یہ اعداد و شمار بتاتے ہیں کہ ہندوستان میں ڈجیٹل ادائیگیوں کیلئے ایک بڑا بازار تیار ہو رہا ہے۔