سروے میں انکشاف۔ ہندوستان سب سے کم پسندیدہ ٹاپ ۳؍ایشیائی بازاروں میں۔۲۰۲۵ءہندوستانی ایکویٹی مارکیٹ کیلئے ٹھنڈا سال رہیگا۔

ہندوستانی اسٹاک مارکیٹ کی چمک  ماند پڑ رہی  ہے۔ درحقیقت، ایک سروے میں  ہندوستان کو  ٹاپ ۳؍ سب سے کم پسندیدہ ایشیائی اسٹاک مارکیٹ میں سے ایک قرار دیاگیا ہے۔ بی او ایف اے (بوفا)سیکوریٹیز   کی تحقیق اور سروے کے مطابق ۱۰؍ فیصد فنڈ منیجرز نے۱۲؍  ماہ کے تناظر میں ہندوستانی ایکویٹی کے وزن کو کم سمجھا ہے۔
 بی او ایف اے سیکوریٹیز نے اپنے سروے میں کہا کہ عالمی فنڈ منیجرس کی  اکثریت جاپان کی اسٹاک مارکیٹ سے اگلے ایک سال کے دوران ایشیائی منڈیوں میں ۵؍ فیصد سے کم منافع کی توقع رکھتی ہے۔ سروے میں کہا گیا ہے کہ ۵۱۳؍بلین ڈالرس کی مالیت کے زیر انتظام اثاثہ جات (اے یو ایم )   کے ساتھ ۱۸۲؍ پینلسٹس نے گلوبل فنڈ منیجر سروے (ایف ایم ایس) میں سوالات کا جواب دیاجبکہ  ۲۱۴؍ بلین ڈالرس کی اے یو ایم والے ۱۱۱؍پینلسٹس نے۱۰؍ اور۱۶؍ جنوری ۲۰۲۴ءکے درمیان علاقائی  ایف ایم ایس سے متعلق سوالات کے جوابات  دیئے۔
 سروے کے مطابق  صرف چین (خالص ۲۳؍ فیصد فنڈ منیجرس کے ساتھ) اور تھائی لینڈ (۱۳؍ فیصد) دیگر دو ایشیائی منڈیاں ہیں جہاں فنڈ منیجرس کا وزن ہندوستانی ایکویٹی سے زیادہ ہے۔  بوفا سیکوریٹیز نے کہا کہ چین میں سرمایہ کاروں کے صبر کا ایک بار پھر امتحان ہو رہا ہے۔ اس کی وجہ یہ ہے کہ ستمبر میں ہونے والی تیز ریلی فوائد کو برقرار رکھنے میں ناکام رہی۔
 بروکریج ہاؤس نے کہا کہ ’’ حیرت انگیز طور پر، ترقی کی توقعات مزید کم ہوگئی ہیں۔۱۰؍ فیصد منیجرس معیشت کے مضبوط ہونے کی توقع رکھتے ہیں، جو اکتوبر میں۶۱؍ فیصد سے کم ہے۔‘‘
دوسری جانب سروے میں جاپان کو ایشیائی منڈیوں میں سب سے زیادہ پسندیدہ مارکیٹ قرار دیا گیا۔ اس میں سے کل۵۳؍ فیصد شرکاء/فنڈ منیجرس زیادہ پرکشش تھے۔ ان کے بعد تائیوان (۲۰) اور جنوبی کوریا (۳) تھے۔بوفا سیکوریٹیز نے کہا ’’جاپان کے حوالے سے امید برقرار ہے۔‘‘ بوفا سروے کے جواب دہندگان میں سے۲۰؍ فیصد اگلے۱۲؍مہینوں میں ایکویٹی سے دُہرے ہندسے کی واپسی کی توقع رکھتے ہیں۔
بی این پی پریباس سیکوریٹیزکو بھی توقع ہے کہ ۲۰۲۵ء ہندوستانی ایکویٹی مارکیٹ کے لیے ایک ٹھنڈا سال ہوگا۔ انہوں نے پیش گوئی کی ہے کہ اگلے ایک سال میں ہندوستانی مارکیٹ  میں ریٹرن یا منافع سنگل ہندسے میں رہے گا۔ اسی وقت، ہندوستان میں ہائی فریکوئنسی اشارے نیچے آنے کے آثار دکھا رہے ہیں جبکہ بی این پی پریباس سیکوریٹیز کے تجزیہ کاروں نے دیگر اہم حالات (خوراک کی افراط زر، اعلیٰ امریکی بونڈ کی پیداوار، ڈالر کا بڑھتا ہوا انڈیکس اور اشیاء کی قیمتوں میں مضبوطی) کو سال کے بیشتر حصے میں مارکیٹ کے جذبات پر اثر انداز ہونے کا امکان  ہے۔
بی این پی پریباس انڈیا میں انڈیا ایکویٹی ریسرچ کے سربراہ کنال وورا نے ایک حالیہ نوٹ میں لکھاکہ ’’جب تک ترقی میں مضبوط بحالی کے آثار نظر نہیں آتے، ابھرتی ہوئی مارکیٹوں میں مہنگی ایکویٹی خریدنے کی مانگ کم رہے گی۔ مضبوط گھریلو آمد و رفت ہندوستانی ایکویٹی مارکیٹس کو سہارا دے رہی ہے اور ہمیں کوئی بڑا خطرہ نظر نہیں آتا۔‘‘  انہوں نے کہا کہ ’’ہم ۲۰۲۵ء میں قدر کے ملٹی پلس کی دوبارہ درجہ بندی کے امکانات کو کم دیکھتے ہیں۔‘‘