انڈونیشیا کے بالی میں ایک ہیلی کاپٹر اس وقت حادثہ کا شکار ہو گیا جب وہ پتنگ کے مانجھے سے الجھ گیا۔ چٹان کی ڈھلوان پر کریش ہوئے اس ہیلی کاپٹر میں سوار پانچ افراد بحفاظت نکلنے میں کامیاب ہو گئے۔ مزید تحقیق کیلئے حکام نے جائے حادثہ پر ایک ٹیم روانہ کر دی ہے۔

حکام کے مطابق بالی میں ایک سیا حتی ہیلی کاپٹر پتنگ کے مانجھے میں الجھ کر حادثے کا شکار ہو گیا،اس میں سوار دو آسٹریلیائی اور تین انڈونیشیائی سیاح بچنے میں کامیاب ہوگئے۔انڈو نیشیائی وزارت آمد و رفت کے مطابق بیل ۵۰۵؍ جیٹ رینجر ایکس نامی یہ ہیلی کاپٹر پی ٹی وائٹ اسکائی ہوائی کمپنی کا جو بالی کے جنوبی حصے میں پیکاٹو گائوں میں حادثہ کا شکارہو گیا۔انڈو نیشیائی تلاشی دستے کے ذریعے جاری کی گئی تصاویر کے مطابق عملہ سمیت کل پانچ مسافر والا یہ ہیلی کاپٹر چونےکی چٹان کی ڈھلوان پر حادثہ کا شکار ہوا، تمام مسافروں کو بحفاظت نکال لیا گیا۔ان میں سے تین کو علاج کیلئے اسپتال میں داخل کیا گیا ہے۔

Helicopter crash in Pecatu Bali, Friday 19/2024.
From first reports there are no casualties #bali #crash #balicrash #helicoptercrash #pecatu #indonesia pic.twitter.com/kMmlybOJdh

— The Good Man (@theRealExperime) July 19, 2024

واضح رہے کہ انڈونیشیا جزیروں پر مشتمل ملک ہے جس کی آبادی ۲۷۰؍ ملین ہے،حالیہ سالوں میں عوام آمد و رفت کے ذرائع کے حادثوں سے کافی متاثر ہوئے ہیں ان میں ہوائی حادثہ اور کشتیوں کی غرقابی دونوں شامل ہیں۔ حکام نے کہا کہ مزید تحقیق کیلئے جائے حادثہ پر ایک ٹیم روانہ کر دی گئی ہے ۔