انڈونیشیا میں ۵؍ آتش فشاں دھماکوں کے بعد علاقے میں پھنسے ہزاروں سیاح اور مکینوں کو نکالنے کی جدوجہد جاری ہے۔ تاہم، آتش فشاں کا ملبہ سمندر میں گرنے کی وجہ سے رہائشیوں کو سونامی کے خطرے سے بھی خبردار کیا گیا ہے۔ دھوئیں کے سبب قریبی ہوئی اڈہ ۲۴؍ گھنٹوں کیلئے بند کیا گیا ہے۔

انڈونیشیا کے امدادی کارکنان نے جمعرات کو آتش فشاں کے پانچ بار پھٹنے کے بعد ہزاروں لوگوں کو نکالنے کیلئے انتھک جدو جہد شروع کر دی ہے جبکہ اس نے حکام کو قریبی ہوائی اڈے کو بند کرنے اور ملبہ گرنے کے بارے میں انتباہ جاری کرنے پر مجبور کیا ہے جو سونامی کا سبب بن سکتا ہے۔

#Breaking: The volcanic eruption at Mount Luang in Indonesia has been observed to have influenced the earthquake that surfaces in southern Japan, around Shikoku neighborhood #japanese #Japan #ShikokuEarthquake #JapanEarthquake #EARTHQUAKE #earthquake pic.twitter.com/vWfh9FKr3o

— Forsige Breaking News (@ForsigeNews) April 17, 2024

انڈونیشیا کے سب سے بیرونی علاقے میں آج صبح آتش فشاں سےدھوئیں کا ایک مر غولہ اڑ رہا تھا، جس کی وجہ سے حکام نے سولاویسی جزیرے پر واقع مناڈو شہر کے قریبی بین الاقوامی ہوائی اڈے کو ۲۴؍گھنٹےکیلئے بند کیا ہے۔ حکام نے بتایا کہ وہ قریبی علاقے سے ایک لاکھ ایک ہزار مکینوں کو نکالنے کی جدوجہد کر رہےہیںجس میں دور دراز جزیرہ تاگولانڈانگ بھی شامل ہے، جہاں تقریباً ۲۰؍ ہزار افرادرہائش پذیر ہیں۔

🇮🇩 - Major volcanic eruption in Indonesia.

↪️ The Indonesian government declared tsunami alert at its maximum. pic.twitter.com/c21VOP9Pu5

— Jazeerconnex (@jazeerconnex) April 18, 2024

حکام کے مطابق، کچھ رہائشی پہلے ہی گھبراہٹ میں بھاگنے کی کوشش کر رہے تھے۔مقامی سرچ اینڈ ریسکیو ایجنسی کے ایک اہلکار جندری پینڈونگ نےایک بیان میں کہا کہ آتش فشاں کے پھٹنے اور چھوٹی چٹانوں کی شکل میں گرنے والے مواد کی وجہ سے گزشتہ رات لوگوں نے اپنے طور پربنا کسی سمت کے انخلاشروع کر دیا تھاجس کے سبب لوگ کے راستے کی تلاش میں بکھر گئے تھے۔
انہوں نے کہا کہ ۲۰؍رکنی عملہ ربڑ کی کشتیوں کی مدد سے آتش فشاں کے قریب ساحلی پٹی کے مکینوں کو نکالنے میں مدد کر رہا ہے۔انہوںنے مزید کشتیاں اور سامان طلب کیا ہے تاکہ ان کی ٹیم آتش فشاں کا سامنا کرنے والے ساحل کے قریب رہائش پذیر لوگوں کا انخلاءجلد از جلد مکمل کر سکے۔

یہ بھی پڑھئے: مالدیپ: معزو کے بدعنوانی میں ملوث ہونے والی رپورٹ لیک، صدر کا الزامات سے انکار

انہوں نے مزید بتایا کہ سیاحوں اور رہائشیوں کو خبردار کیا گیا ہے کہ وہ ۶؍ کلومیٹر کے اخراج والے علاقے سے باہر رہیں۔بدھ کو ۴؍ مزیدآتش فشاں پھٹنے سے پہلے اور منگل کی شام پہلا آتش فشاں پھٹنے کے بعد ابتدائی طور پر ۸۰۰؍سےزائد افراد کو روانگ سے قریبی تاگولینڈانگ جزیرے تک محفوظ مقامات پر لے جایا گیا تھا۔حکام نے آتش فشاں پھٹنے کے نتیجے میں ممکنہ سونامی سے بھی خبردار کیا ہے۔