تائیوان کے اطراف فوجی مشقوں کے بعد چینی صدر شی جن پنگ کی راکٹ فورس بریگیڈ سے ملاقات، ہروقت تیار رہنے کا مشورہ۔
EPAPER
Updated: October 20, 2024, 12:06 PM IST | Agency | Gaza
تائیوان کے اطراف فوجی مشقوں کے بعد چینی صدر شی جن پنگ کی راکٹ فورس بریگیڈ سے ملاقات، ہروقت تیار رہنے کا مشورہ۔
چینی صدر شی جن پنگ نے کہاہے کہ’ ’فوج کے پاس مضبوط جنگی صلاحتیں ہونے کے ساتھ ساتھ اپنی تربیت اور جنگ کی تیاری کے لیے جامع حکمت عملی ہونی چاہیے۔ ‘‘ انہوں نے تائیوان کے گرد بڑے پیمانے پر فوجی مشقوں کے انعقاد کے کچھ دن بعد فوجی قیادت کو جنگ کیلئے تیاریوں میں تیزی لانے کی ہدایت جاری کی۔ خبر رساں ادارے ’اے ایف پی‘ نے چینی سرکاری نشریاتی ادارے سی سی ٹی وی کا حوالہ دیتے ہوئے بتایا کہ شی جن پنگ نے فوجیوں کو ہدایت پیپلز لبریشن آرمی راکٹ فورس کی بریگیڈ کے دورے کے دوران دی۔ شی جن پنگ نے مزید کہا کہ فوجیوں کو اپنے دفاع اور جنگی صلاحیت میں اضافہ کرنا ہوگا۔ چین جو تائیوان کو اپنی سرزمین کا حصہ قرار دیتا ہے، نے حالیہ برسوں میں خود مختار جزیرے کے ارد گرد فوجی قوت میں اضافہ کیا ہے۔ خیال رہے کہ پیر کو بیجنگ نے تائیوان کا گھیراؤ کرنے کے لیے لڑاکا طیاروں، ڈرونز، جنگی جہازوں اور کوسٹ گارڈ کے جہازوں کو تعینات کیا تھا۔ چینی کمیونسٹ لیڈروں نے روز دیتے ہوئے کہا ہے کہ وہ تائیوان کو بیجنگ کے کنٹرول میں لانےکیلئے طاقت کے استعمال سے گریز نہیں کریں گے۔ سی سی ٹی وی کی رپورٹ کے مطابق شی جن پنگ نے چینی فوج کو قومی مفادات کا تحفظ اور ملکی سلامتی کا مضبوطی سے دفاع کرنے کی ہدایت کی ہے۔