اسرائیل غزہ میں نقل مکانی کے مسلسل حکم کو بطور جنگی حکمت عملی استعمال کر رہا ہے نتیجتاً لاکھوں فلسطینی ایک محفوظ علاقہ سے دوسرے علاقے میں منتقل ہورہے ہیں۔ اسرائیلی فوج کے تازہ حکم سے ایک لاکھ ۷۰؍ ہزار فلسطینی متاثر ہوئے ہیں۔ تاہم، غزہ میں اُن کیلئے کوئی بھی علاقہ محفوظ نہیں رہ گیا ہے۔

اقوام متحدہ کی انسانی معاملات کے دفتر نے غزہ کے تعلق سے تازہ ترین رپورٹ میں کہا ہے کہ اسرائیلی فوج کے ذریعے محفوظ علاقہ خالی کرنے کے آج کے حکم کے نتیجے میں اس علاقے میں پناہ گاہوں، کیمپوں میں رہنے والے  ۱؍ لاکھ ۷۰؍ہزار فلسطینی متاثر ہوں گے۔جنوبی غزہ کیلئے اس حکم میں خان یونس اور دئیر البلاہ شامل ہے، جس کے بارے میں یہ خیال کیا جاتا تھا کہ یہ محفوظ انسانی علاقے ہیں، لیکن غزہ پٹی کا محفوظ علاقہ مسلسل سکڑتا جا رہا ہے۔

#Gaza:
170,000+ people are estimated to be sheltering at 122 IDP sites, shelters and centres affected by the evacuation order on 16 August.
Stock reserves necessary for disinfecting water reportedly suffice only for one month.
More here 👇https://t.co/kr7exdNM3N pic.twitter.com/HRHLOE24Fg

— OCHA oPt (Palestine) (@ochaopt) August 16, 2024

انسانی معاملات کے دفتر نے یہ بھی بتایا کہ خطہ میں فقط ایک مہینےکیلئے روز مرہ استعمال کے پانی کا ذخیرہ باقی ہے۔ایک رپورٹ کے مطابق مرکزی غزہ کے الضوائد علاقے کے ایک گودام پر اسرائیلی بمباری کےنتیجے میں وہاں پناہ لینے والے ۱۵؍ فلسطینی شہید ہو گئے جبکہ کئی اب بھی لا پتہ ہیں۔