اسرائیل کے وزیر مالیات بزالیل اسمورٹیچ نے استعفیٰ دے دیا ہے۔ ان کا یہ استعفیٰ اسرائیلی کنسیٹ کے رکن زوئی سکوت کی دوبارہ تقرری پر اسرائیل کے قومی تحفظ کے وزیر ایتمار بین گویر کےتنازع کے درمیان سامنے آیا ہے۔

اسرائیل کے وزیر مالیات بزالیل اسمورٹیچ نے پیر کو اپنے عہدے سے استعفیٰ دے دیا ہے۔ اسمورٹیچ  دائیں بازو کی یہودی پارٹی، جس کی وہ قیادت کرتے ہیں، کیلئے بطور قانون ساز کنسیٹ میں اپنی خدمات انجام دیں گے۔ یاد رہے کہ یہ استعفیٰ کنسیٹ کے رکن زوئی سکوت کی دوبارہ تقرری پر اسرائیل کے قومی تحفظ کے وزیر ایتمار بین گویر کے تنازع کے درمیان سامنے آیا ہے۔ اپنے بیان میں قومی یہودی پارٹی نے بین گویر پر اپنے درمیان ہوئے سیاسی معاہدے کی خلاف ورزی کرنے کا الزام عائد کیا ہے۔ اسرائیل کی سیاست میں ہونےو الی یہ تبدیلی اسرائیل کے دائیں بازو کے اتحاد میں بڑھتے ہوئے شگاف کی نشاندہی کرتی ہے۔