رفح پر فوج کشی سے قبل اطراف میں ۱۰؍ ہزار خیمے نصب کرنے کا اعلان۔

 غاصب صہیونی ریاست پورے غزہ سے بے گھر ہوکر رفح  میں  پناہ لینے والے فلسطینی شہریوں کو خیموں  میں منتقل کرنے کی سازش پر عمل کرتے ہوئے جلد ہی رفح کے اطراف پہلے ۱۰؍ ہزار اور پھر ۳۰؍ ہزار خیمے نصب کرنے کا منصوبہ بنایا ہے۔ خیموں کے تعلق سے یہ خبر خود اسرائیلی میڈیا نے دی ہے۔ اطلاعات کے مطابق تل ابیب نے عالمی مخالفت کے باوجود رفح پر فوج کشی کی تیاری کرلی ہے۔ اس دوران یہ تاثر دینے کیلئے کہ وہ عام شہریوں  کو بچانا چاہتا ہے، ان کی منتقلی کیلئے رفح کے اطراف ۱۰؍ ہزار خیمے نصب کئے جائیں  گے۔ اتنا ہی نہیں فوجی  کارروائی کے دوران مزید ۳۰؍ ہزار خیموں کی تنصیب کا منصوبہ ہے۔ 
اسرائیل کے جس خبر رساں ادارہ نے یہ خبر دی ہے اس کا کہنا ہے کہ رفح سے آبادی کو منتقل کرنے میں   طویل عرصہ درکار ہوگا۔ رپورٹ کے مطابق نیتن یاہو نے فی الحال وزیراعظم نیتن یاہو نے اس منصوبے کو ملتوی کردیاہے۔ واضح رہے کہ جنوبی غزہ میں  مصر کی سرحد سے متصل رفح وہ علاقہ ہے جہاں   پورے غزہ سے بے گھر ہونے والے افراد پناہ گزیں  ہیں۔