اٹلی کے ایمیلیا رومانیا میں موسلادھار بارش اور شدید سیلاب کے سبب ہزاروں افراد کا انخلاء کیا گیا ہے۔ سیلاب سے متاثرہ علاقوں میں اسکولیں بند کی گئی ہیں اور ٹرینیں معطل کردی گئی ہیں۔ دریا میں طغیانی کے سبب راوینا میں تقریباً ۸۰۰؍ رہائشی اور بولونیا صوبے میں تقریباً ۲۰۰؍ رہائشی افراد نے اسکولوں یا اسپورٹس سینٹرز میں رات گزاری تھی۔

ایمیلیا رومانیا، اٹلی میں موسلادھار بارش اور رات بھر شدید سیلاب کے سبب ہزاروں رہائشی افراد کا انخلاء کیا گیا ہے۔ ایمیلیا رومانیا کے تین صوبوں راوینا، بولونیااور فینزا میں دریا میں طغیانی کے سبب مقامی میئر نے شہریوں سے اوپری منزلوں میں رہنے یا اپنے گھر چھوڑ دینے کی اپیل کی ہے۔ دریا میں طغیانی کے سبب راوینا میں تقریباً ۸۰۰؍ رہائشی اور بولونیا صوبے میں تقریباً ۲۰۰؍ رہائشی افراد نے اسکولوں یا اسپورٹس سینٹرز میں رات گزاری تھی۔

Torrential #Floods Sweep Through Central #Italy pic.twitter.com/hhvFIIhNSx

— HITNEWS WORLD (@HITNEWSWORLD) September 15, 2024

متاثرہ علاقوں میں ٹرین کی خدمات معطل کر دی گئی تھیں اور اسکولوں کو بند کردیا گیا تھا، رہائشی افراد سے گھروں میں رہنے اور گھر سے کام کرنے کی اپیل کی گئی تھی۔ خیال رہے کہ فینزا صوبہ حال ہی میں تباہ کن سیلاب سے دوچار ہوا تھا جس نے ایمیلیا رومانیا کو مئی ۲۰۲۳ء میں اپنی لپیٹ میں لے لیا تھا۔ اس سیلاب کے نتیجے میں ۱۷؍ افراد نے اپنی جانیں گنوائی تھیں جبکہ بلین یورو کا نقصان ہوا تھا۔

🚨 A flood is in progress at Traversara di Bagnacavallo, Italy, with helicopter rescues underway as residents move to upper floors and rooftops.pic.twitter.com/iPxrtjLE6h

— Volcaholic 🌋 (@volcaholic1) September 19, 2024

فینزاکی میئر ماسمیموایسولا نےریاستی ٹی وی رے نیوز کوبتایا کہ ’’رات کافی خوفناک تھی ، ہم دریا میں طغیابی کے ختم ہونے کا انتظار کر رہے تھے۔دریا کی سطح آب کافی زیادہ ہوگئی تھی لیکن گزشتہ سال کئے گئے کام کی وجہ سے شہر میں پانی نہیں بھرا۔‘‘ خیال رہے کہ متعدد مرکزی اور مشرقی یورپی ممالک حالیہ دنوں میں سیلاب کا شکار ہوئے ہیں جن میں آسٹریا، چیک جمہوریہ، پولینڈ اور رومانیہ شامل ہیں۔