مہاراشٹر کے جلگاؤں ضلع کے پاچورا ریلوے اسٹیشن پر اس وقت افراتفری مچ گئی جب پشپک ایکسپریس میں آگ لگنے کی افواہ پھیل گئی۔ اس افواہ کے بعد ٹرین میں سفر کرنے والے مسافروں نے جان بچانے کے لیے ٹرین سے چھلانگیں لگانا شروع کر دیں۔ اس دوران سامنے سے آنے والی کرناٹک ایکسپریس نے ۱۰؍سے زائد لوگوں کو کچل دیا۔

 مہاراشٹر کے جلگاؤں ضلع کے پاچورا ریلوے اسٹیشن پر اس وقت افراتفری مچ گئی جب پشپک ایکسپریس میں آگ لگنے کی افواہ پھیل گئی۔ اس افواہ کے بعد ٹرین میں سفر کرنے والے مسافروں نے جان بچانے کے لیے ٹرین سے چھلانگیں لگانا شروع کر دیں۔ اس دوران سامنے سے آنے والی کرناٹک ایکسپریس نے ۱۰؍سے زائد لوگوں کو کچل دیا۔
اس حادثے میں اب تک ۱۰؍مسافروں کی موت ہو چکی ہے۔ ۳۰؍سے ​​زائد افراد زخمی بتائے جاتے ہیں۔ مہاراشٹر کے وزیر اعلی دیویندر فڑنویس نے اس واقعہ پر گہرے دکھ کا اظہار کیا ہے۔ اس دوران زخمیوں کو جلگاؤں کے قریب ایک اسپتال لے جایا جا رہا ہے۔
خبر کے مطابق پشپک ایکسپریس لکھنؤ سے ممبئی جا رہی تھی۔ اسی وقت منماڈ سے بھوساول جانے والی کرناٹک ایکسپریس دوسرے ٹریک سے گزر رہی تھی کہ یہ واقعہ شام ۵؍بجے کے قریب پیش آیا۔ ٹرین میں آگ لگنے کی افواہ کے بعد ٹرین میں سوار مسافر خوفزدہ ہو گئے اور اپنی جان بچانے کے لیے ٹرین سے کودنے لگے، اسی دوران مسافروں نے زنجیر کھینچ لی اور ٹرین رک گئی۔
سنٹرل ریلوے کے چیف ترجمان سوپنل نیلا نے اس حادثے کے بارے میں تفصیلی جانکاری دی۔ انہوں نے بتایا کہ پشپک ایکسپریس کے کچھ مسافر نیچے اترے اور سامنے سے آنے والی کرناٹک ایکسپریس سے ٹکرا گئے۔ اس دوران ایک ضلعی اہلکار نے بتایا کہ اس حادثے میں کم از کم چھ افراد کی موت ہو گئی۔

VIDEO | At least six persons were killed after they stepped down from their train on the tracks and were run over by another train coming from the opposite direction in North Maharashtra`s Jalgaon district on Wednesday evening.

Visuals from the spot near Pachora station, where… pic.twitter.com/EKQU5LE50w

— Press Trust of India (@PTI_News) January 22, 2025

اس دوران جلگاؤں کے ایس پی نے بتایا کہ ٹرین سے چھلانگ لگانے کے بعد سامنے سے آنے والی کرناٹک ایکسپریس مسافروں کے اوپر چڑھ گئی۔ اس حادثے میں ۸؍سے ۱۰؍لوگوں کی موت ہو گئی ہے اور ۳۰؍​​سے ​​۴۰؍لوگوں کے زخمی ہونے کی اطلاع ہے۔
اتر پردیش کے وزیر اعلی یوگی آدتیہ ناتھ نے پشپک ٹرین حادثے پر افسوس کا اظہار کیا ہے۔ انہوں نے زخمیوں کو مناسب طبی امداد فراہم کرنے کا حکم دیا ہے اور مسافروں کی موت پر تعزیت کا اظہار بھی کیا ہے۔حادثے کے بعد ریلوے حکام اور دیگر ملازمین موقع پر پہنچ گئے۔ راحت اور بچاؤ کا کام جاری ہے۔ یہ بھی دعویٰ کیا جا رہا ہے کہ جس جگہ یہ حادثہ ہوا وہاں ایک تیز موڑ تھا۔ جس کی وجہ سے ٹریک پر موجود پشپک ایکسپریس کے مسافروں کو کرناٹک ایکسپریس کی آمد کا علم نہیں ہو سکا۔ ریلوے حکام نے بھی حادثے کی تصدیق کی ہے۔