آج کینیا کے صدر نے ایک ٹی وی خطاب کے دوران اپنے تمام وزراء اور اٹارنی جنرل کو بھی برطرف کردیا ہے۔ خیال رہے کہ نئے مالی بل کے بعد، جس میں ٹیکس کی شرحوں میں اضافہ کیا گیا تھا، کینیا بھر میں مظاہرے جاری تھے۔ صدر نے کہا کہ وہ چند دنوں میں نئی تقرریاں کرکے مستحکم حکومت بنائیں گے۔

کینیا کے صدر ولیم روٹو نے آج اپنی کابینہ کے تمام وزراء کو برطرف کر دیا اور ایک نئی حکومت بنانے کا وعدہ کیا جو زیادہ ٹیکسوں اور ناقص گورننس کے خلاف ہفتوں کے احتجاج کے بعد زیادہ موثر ہو گی۔ایک ٹیلی ویژن خطاب میں صدر نے اٹارنی جنرل کو بھی برخاست کر دیا اور کہا کہ وزارتیں ان کے مستقل سیکرٹریز چلائیں گے۔ روٹو نے کہا کہ انہوں نے یہ اقدام لوگوں کی بات سننے کے بعد کیا ہے اور وہ مشاورت کے بعد ایک مضبوط حکومت بنائیں گے۔

BREAKING NEWS: President William Ruto to his Cabinet Secretaries 😂💔. GO HOME TO YOUR FAMILIES 😁 #RutoMustGo CS Kuria Prime Cabinet Secretary Citizen Tv Justin Muturi #Statehouse #AnitaMustResign Musalia Mudavadi Gladys Wanga pic.twitter.com/2K3qV32I20

— Escoberoo 🫡 (@Escoberoo) July 11, 2024

واضح رہے کہ ۲۵؍ جون کو کینیا میں ایک مالیاتی بل جس میں ٹیکسوں میں اضافہ کیا گیا تھا، کے منظور ہونے کے بعد شہریوں نے پارلیمنٹ پر دھاوا بول دیا تھا۔ ان مظاہروں میں ۳۰؍ سے زائد افراد ہلاک ہوئے، جس نے صدر کے مستعفی ہونے کے مطالبات کی شکل اختیار کر لی۔