امریکی صدر ڈونالڈ ٹرمپ کی ایران پر بمباری کی دھمکی پر ایران کے سپریم لیدر آیت اللہ خامنہ ای کا ردعمل بھی سامنے آ گیا ہے۔ آیت اللہ خامنہ ای نے کہا کہ امریکہ نے ایسا کوئی اقدام کیا تو اسے سخت جوابی دھچکا پہنچے گا۔

امریکی صدر ڈونالڈ ٹرمپ کی ایران پر بمباری کی دھمکی پر ایران کے سپریم لیدر آیت اللہ خامنہ ای کا ردعمل بھی سامنے آ گیا ہے۔ امریکی صدر ڈونالڈ ٹرمپ نے دھمکی دی تھی کہ اگر ایران نے جوہری ڈیل نہ کی تو ایران پر بمباری ہو گی۔ ٹرمپ کا یہ بھی کہنا تھا اگر ایران نے ڈیل نہ کی تو ایران پر سخت معاشی پابندیاں عائد کی جائیں گی۔ صدر ٹرمپ کی دھمکی پر ایران کے سپریم لیڈر آیت اللہ خامنہ ای نے ردعمل میں کہا کہ امریکہ اور اسرائیل کی دشمنی ہمیشہ سے رہی ہے، امریکہ نے ایسا کوئی اقدام کیا تو اسے سخت جوابی دھچکا پہنچے گا۔ آیت اللہ خامنہ ای کا کہنا تھا امریکہ نے پہلے کی طرح ایران میں بغاوت کا سوچا تو ایرانی عوام خود نمٹ لے گی۔ 

یہ بھی پڑھئے: فرانسیسی صدر ایمانوئل میکرون کا غزہ پر حملہ بند کرنے اور جنگ بندی کا مطالبہ

یاد رہے کہ ایران کو دھمکی دینے سے قبل صدر ڈونالڈ ٹرمپ نے ایران کو ایک خط بھی لکھا تھا جس میں جوہری ڈیل کرنے پر زور دیا گیا تھا۔ دوسری جانب ایران کے سپریم لیڈر آیت اللہ خامنہ ای اور صدر مسعود پزشکیان کی جانب سے لکھے گئے جوابی خط میں کہا گیا تھا کہ ہم امریکہ کے ساتھ کسی براہ راست ڈیل میں شامل نہیں ہو سکتے البتہ امریکہ کے ساتھ بالواسطہ مذاکرات کے دروازے ہمیشہ کھلے ہیں۔