لبنان اور اسرائیل کے مابین بڑھتی کشیدگی کے پیش نظر ہندوستانی سفارتخانے نے اپنے شہریوں کیلئے ایک بار سخت ہدایت جاری کی ہے، سفارتخانے نے شہریوں کو اپنی حرکات محدود کرنے اور لبنان کا سفر نہ کرنے اور وہاں مقیم شہریوں کو ہنگامی حالات میں فراہم کردہ ای میل آئی ڈی اور فون نمبر سے رابطہ کرنے کہا ہے۔

اقوام متحدہ کے رابطہ عامہ کے دفتر نے بدھ کو ایک بیان میں کہا کہ ایک سال میں حزب اللہ اور اسرائیلی کے حملوں اور جوابی حملوں میں لبنان کے ۲۰؍ ہزار افراد بے گھر ہو چکے ہیں۔لبنان کے دارالحکومت بیروت میں واقع ہندوستانی سفارتخانہ نے ایک ہدایت جاری کرتے ہوئے اپنے شہریوں سے احتیاط برتنے کو کہا ہے، اسی کے ساتھ لبنان میں مقیم ہندوستانیوں کو جلد ازجلد ملک سے نکل جانے کو کہا ہے۔ اور دیگر کو لبنان کا سفر نہ کرنےکی ہدایت دی ہے۔لبنانی وزیر صحت کے مطابق بدھ کو اسرائیلی فضائی  حملےمیں ۵۱؍ شہری جاں بحق اور ۲۳۳؍ افراد زخمی ہوئے ہیں۔

Advisory dated 25.09.2024 pic.twitter.com/GFUVYaqgzG

— India in Lebanon (@IndiaInLebanon) September 25, 2024

ہندوستانی سفارتخانے نے سوشل میڈیا ایکس پر ایک پوسٹ میں کہا کہ ’’۱؍ اگست ۲۰۲۴ء کی ہدایت کی یاد دہانی اور حالیہ واقعات کی روشنی میں تمام ہندوستانی شہریوں کو یہ سخت ہدایت دی جا تی ہے کہ وہ اگلی ہدایت ملنے تک لبنان کا سفر کرنے سے گریز کریں۔ لبنان میں موجود ہندوستانیوں کو بھی ہدایت دی جا رہی ہے کہ وہ فوراً ملک سے نکل جائیں، ساتھ ہی وہاں مقیم انتہائی محتاط رہیں،غیر ضروری سفر نہ کریں، اور بیروت میں واقع ہندوستانی سفارت خانہ کے رابطہ میں رہیں، رابطہ کیلئے ای میل آئی ڈی  cons.beirut@mea.gov.in، او رہنگامی حالات میں 96176860128+  نمبر پر فون کریں۔‘‘