برطانیہ کا ہیتھرو ایئرپورٹ جمعے کی صبح ایک سب اسٹیشن میں ہونے والی آتشزدگی کے باعث۲۴؍ گھنٹے کیلئے مکمل طور پر بند کر دیا گیا ہے۔ پروازوں کو دوسرے ایئرپورٹس پر لینڈ کرایا جا رہا ہے، ۱۶؍ ہزار سے زائد گھر بھی بجلی سے محروم ہو گئے۔

برطانیہ کا ہیتھرو ایئرپورٹ جمعے کی صبح ایک سب اسٹیشن میں ہونے والی آتشزدگی کے باعث۲۴؍ گھنٹے کیلئے مکمل طور پر بند کر دیا گیا ہے۔ پروازوں کو دوسرے ایئرپورٹس پر لینڈ کرایا جا رہا ہے، ۱۶؍ ہزار سے زائد گھر بھی بجلی سے محروم ہو گئے۔ ۷۰؍ سے زائد فائر فائٹرز آگ بجھانے میں مصروف ہیں۔ ہیتھرو ایئر پورٹ تک چلنے والی ٹرین سروس بھی مکمل طور پر بند ہے۔ ذرائع کے مطابق لندن کے علاقے ہیز کے الیکٹریکل سب اسٹیشن میں بڑے پیمانے پر آگ لگ گئی، آگ لگنے کے بعد ہیتھرو ایئرپورٹ مکمل طور پر بند کیا گیا ہے، ایئرپورٹ بجلی نہ ہونے کے باعث سارا دن بند رہے گا۔ 

Scary scenes in Hayes. Power cut and massive fire. pic.twitter.com/K2tiLlVQSq

— Jaffer A. Mirza (@jafferamirza) March 21, 2025

ہیتھرو ایئرپورٹ تک چلنے والی ٹرین سروس بھی مکمل طور پر بند رہے گی، ہیز کے بجلی گھر میں آگ لگنے کے باعث لندن کے ۱۶؍ ہزار سے زائد گھر بھی بجلی سے محروم ہوگئے ہیں رپورٹس کے مطابق ہیتھرو ایئرپورٹ دنیا کے مصروف ترین ایئرپورٹس میں سے ایک ہے، ہیتھرو ایئرپورٹس آنے والی فلائٹس کو نہ صرف برطانیہ بلکہ یورپ کے مختلف ایئرپورٹس پر لینڈ کروایا جائے گا۔ مسافروں کو مشورہ دیا گیا ہے کہ وہ ایئرپورٹ نہ آئیں اور مزید معلومات کیلئے اپنی ایئرلائن سے رابطہ کریں۔ ہم اس تکلیف کیلئے معذرت خواہ ہیں۔