الیکشن کمیشن نے کانگریسی لیڈر اور پنجاب سے کانگریس کے امیدوار چرنجیت سنگھ چنی کو جموں کشمیر کے پونچھ میں ہونےوالےحملےکے خلاف ردعمل پر سخت انتباہ جاری کیا ۔ خیال رہے کہ چرنجیت سنگھ نے پونچھ میں ہونے والے حملےکو الیکشن سے قبل کرتب بازی قرار دیا تھا۔ بی جے پی نے الیکشن کمیشن میں ان کے خلاف شکایت کی تھی اور کیس درج کرنے کا مطالبہ بھی کیا تھا۔

ہندوستان ٹائمز کی خبر کےمطابق الیکشن کمیشن نے جمعرات کو لوک سبھا کے امیدوار اور پنجاب کے سابق وزیر اعلیٰ چرنجیت سنگھ چنی کو حال ہی میں جموں کشمیر کے پونچھ ضلع میں عسکریت پسندوں کے حملے کو بی جے پی کی مدد کیلئے ’’کرتب بازی‘‘ قرار دیا۔خیال رہے کہ کانگریس نے جالندھر لوک سبھا حلقے کیلئے چنی کو بطور امیدوار منتخب کیا ہے جہاں یکم جون کو انتخابات ہوں گے۔ 

Attack on IAF convoy is just stunts; these are planned attack, Whenever election comes, it is done to ensure BJP`s win: Former Punjab CM and Congress leader Charanjit Singh Channi

Congress is out defending Pakistan once again like they did during Pulwama attacks , even when the… pic.twitter.com/GYgTXrB3ps

— Amitabh Chaudhary (@MithilaWaala) May 5, 2024

اس ضمن میں جمعرات کو پنجاب چیف الیکٹورل آفیسر نے کہا کہ چنی سے کہا گیا ہے کہ وہ جالندھر کے الیکشن آفیسر کوپونچھ کے حملے کے تعلق سے اپنے ریمارک پر وضاحت پیش کریں۔ دی ہندوستان ٹائمز کے مطابق الیکشن کمیشن کے مطابق چنی کا یہ ریمارک غیر اطمینان بخش اور ضابطہ اخلاق کی خلاف ورزی ہے۔

یہ بھی پڑھئے: چھٹے مرحلہ کی انتخابی مہم ختم، کل پولنگ

الیکشن کمیشن نے چنی کو اس طرح کے ریمارک کے خلاف متنبہ کیا ہے۔ یاد رہے کہ ۴؍ مئی کو جموں کشمیر کے پونچھ ضلع میں عسکریت پسندوں کے گاڑیوں پر گولی چلانے کلے بعد انڈین ایئر فورس کا ایک جوان ہلاک ہوا تھا جبکہ دیگر ۴؍زخمی ہوئے تھے۔ 
دوسرے دن اس حملے کے تعلق سے ایک صحافی کے سوال کا جواب دیتے ہوئے چنی نے الزام عائد کیا تھا کہ بی جے پی اچھے طریقے سے جانتی ہے کہ لوگوں کی زندگی اور لاشوں سے کس طرح کھیلنا ہے۔ انہوں نےیہ بھی کہاتھا کہ ’’جب الیکشن نزدیک آتے ہیں تو ہندوتوا پارٹی کو فتح دلانے کیلئے اس طرح کی کرتب بازیاں کی جاتی ہیں۔

یہ بھی پڑھئے: اونٹاریو یونیورسٹی نے اسرائیل نواز کمپنیوں سے ہاتھ کھینچ لیا

بی جے پی کی شکایت
ہندوستان ٹائمز کے مطابق ۷؍ مئی کو بی جے پی نے الیکشن کمیشن میں چنی کے خلاف شکایت درج کی تھی اور مطالبہ کیا تھا کہ چنی کے خلاف کیس درج کیا جائے۔ ۱۳؍ مئی کو پنجاب کے الیکٹورل آفیسر سبین سی نے کہا تھا کہ حملے کے تعلق سے چنی کا ردعمل ضابطہ اخلاق کی خلاف ورزی ہےاور مزید کارروائی کیلئے الیکشن کمیشن کو خط بھی لکھا تھا۔