سعودی عرب میں مقدس مساجد کے امور کے حکام کے ذریعے مسجد نبوی میں معمر افراد اور معذوروں کو ہونے والی دقتوں کے ازالے کیلئے متعدد اقدام کئے جا رہے ہیں، ان میں مسجد کے دروازوں کے قریب نماز کے کمرے، مسجد نبوی کی چھت پر بہروں اور گونگوں کیلئے ایک خصوصی کمرہ کی تعمیر شامل ہے۔

 دو مقدس مساجد کے امور کے حکام نے مدینہ میں مسجد نبوی میں زائرین کی خدمت کیلئے اپنی کوششیں تیز کر دی ہیں، جس میں معمر افراد اور معذور افراد پر توجہ دی جائے گی۔حکام بوڑھوں اور معذوروں کیلئے اعلیٰ ترین اور بہترین خدمات فراہم کرنے پر کام کر رہی ہے، مسجد کے دروازوں کے قریب نماز کیلئے دس مخصوص جگہیں، شمالی توسیعی حصے میں نمازکیلئے چارکمرے، مغربی توسیع میں تین نماز کمرے، اور تین کمرےمسجد کی مشرقی توسیعی حصے میں۔
مزید برآں،انہوں نے مسجد نبوی کی چھت پر بہروں اور گونگوں کیلئے ایک خصوصی کمرہ تیار کیا ہے جس میں ۱۰۰؍افراد نماز ادا کر سکتے ہیں، جس سے وہ خطبہ جمعہ کو اشاروں کی زبان کی تشریح کے ذریعے سمجھ سکتے ہیں۔حکام کی جانب سے فراہم کی جانے والی خدمات میں الیکٹرک گولف گاڑی اور وہیل چیئر شامل ہیں تاکہ مسجد نبوی اور اس کے صحنوں کے اندر زائرین اور نمازیوں کی نقل و حرکت میں آسانی ہو۔