مہاراشٹر اسمبلی الیکشن کی انتخابی مہم کے دوران راہل گاندھی نے ناگپور میں مشہور ’رام جی شیام جی پوہے والے‘ کے مقام پر نوجوانوں کے ساتھ وقت گزارا اور گفتگو میں بے روزگاری، صنعتی منصوبوں کی منتقلی، آئینی تحفظات اور نوجوانوں کے مسائل پر زور دیا۔

کانگریس لیڈرراہل گاندھی نے ناگپور کے مشہور ’رام جی شیام جی پوہے والے‘ پر ایک غیر رسمی ملاقات کے دوران نوجوانوں کے ساتھ کئی اہم موضوعات پر گفتگو کی۔ اس ملاقات میں بے روزگاری، مہاراشٹر میں صنعتی منصوبوں کی منتقلی اور آئینی تحفظات جیسے مسائل پر بات چیت کی گئی۔ گاندھی نے اس موقع پر کہا کہ مہاراشٹر کے نوجوان تبدیلی چاہتے ہیں اور ان کی آواز سننا ضروری ہے۔ راہل گاندھی نے نوجوانوں کی تعلیمی صلاحیتوں کو روزگار سے جوڑنے کی ضرورت پر زور دیا اور کہا کہ ہندوستان کو ’برین ڈرین‘ سے بچانے کیلئے موثر اقدامات اٹھائے جائیں۔ انہوں نے بی جے پی حکومت پر تنقید کرتے ہوئے کہا کہ وہ اہم اداروں پر گرفت مضبوط کر رہی ہے اور آئین کو نقصان پہنچانے کی سازش کر رہی ہے۔ 

यह देश तपस्या का देश है और रामनारायण जी इसके एक बेहतरीन उदाहरण हैं।

कल नागपुर के मशहूर रामजी श्यामजी पोहे वाले की दुकान पर शानदार शाम बिताई।

पोहा जितना स्वादिष्ट था, बातचीत उतनी ही दिलचस्प रही। युवाओं ने रोजगार, अवसर और यहां तक कि उनकी सरकार भी चोरी किए जाने को लेकर चिंता जताई। pic.twitter.com/BQ9ZWHvP0T

— Rahul Gandhi (@RahulGandhi) November 17, 2024

انہوں نے مزید کہا کہ مہاوکاس اگھاڑی حکومت نوجوانوں کی امنگوں کو پورا کرنے کیلئے پرعزم ہے۔ اس موقع پر موجود نوجوانوں نے بھی اپنے خدشات کا اظہار کرتے ہوئے کہا کہ بے روزگاری اور مواقع کی کمی ان کی سب سے بڑی پریشانی ہے۔ راہل گاندھی نے ’پوہا‘ اور گفتگو کو ’دلچسپ اور معنی خیز‘ قرار دیا۔ اس ملاقات نے نہ صرف مقامی لوگوں بلکہ سیاسی حلقوں میں بھی توجہ حاصل کی ہے۔ دریں اثنا، انہوں نے ۲۰؍ نومبر کو ہونے والے مہاراشٹر کے انتخابات کیلئے چندر پور کے چمور اور امراوتی کے دھامنگاؤں ریلوے میں عوامی میٹنگیں کیں۔ یاد رہے کہ راہل گاندھی نے اس ہفتے کے شروع میں ناندیڑ میں انتخابی ریلی کے بعد سڑک کے کنارے ایک دکان پر گنے کا رس پیتے ہوئے مقامی خواتین سے بات چیت کی تھی۔