خبروں کے مطابق مہاراشٹر پولیس نے ایک نامعلوم شخص کے خلاف ایف آئی آر درج کی ہے جس نے بیڑ میں ایک مسجد کی دیوار پر ’’شری رام‘‘ لکھا۔

دی انڈین ایکسپریس کی ایک خبر کے مطابق مہاراشٹر پولیس نے پیر کو بیڑ ضلع کی ایک مسجد کی دیوار پر ’’شری رام‘‘ کے الفاظ لکھے ہوئے پائے جانے کے بعد ایف آئی آر درج کی ہے۔
دیر شام، ایک نامعلوم شخص نے مجلگاؤں کی مرکزی مسجد کی دیوار پر ’’شری رام‘‘ لکھا۔ اس کے جواب میں مقامی مسلم کمیونٹی کے ارکان مسجد کے باہر اور پولیس اسٹیشن میں جمع ہو کر کارروائی کا مطالبہ کر رہے تھے۔

#WATCH | `Shri Ram` slogan was found written on the wall of a mosque in Maharashtra`s Beed on 25th March

SDPO Dheeraj Kumar yesterday said, "A notorious man wrote `Shri Ram` on the wall of Markaz masjid. FIR was lodged in the incident. The accused will be arrested soon." pic.twitter.com/3y2NHtNWo2

— ANI (@ANI) March 26, 2024

انڈین ایکسپریس نے سب ڈویژنل پولیس افسر دھیرج کمار کے حوالے سے بتایا کہ ’’شام ۵؍ بجے کے قریب کچھ سماج دشمن عناصر نے مسجد کی دیوار پر ’شری رام‘ لکھا۔‘‘ انہوں نے کہا کہ تعزیرات ہند کی دفعہ ۲۹۵؍ کے تحت ایف آئی آر درج کی گئی ہے جس کا تعلق عبادت گاہ کو جان بوجھ کر نقصان پہنچانے سے ہے۔ کمار نے مزید کہا، ’’ہم مجرم کا سراغ لگا رہے ہیں اور جلد ہی اسے گرفتار کر لیں گے۔‘‘