مغربی بنگال کی وزیر اعلیٰ ممتا بنرجی جمعرات (۲۷؍مارچ) کو لندن میں آکسفورڈ یونیورسٹی کے کیلوگ کالج میں تقریر کر رہی تھیں، اس دوران کچھ طلبہ نے ہنگامہ کیا۔ مظاہرین نے ہاتھوں میں پلے کارڈ لے کر آر جی کر کالج اور گھوٹالوں سے متعلق معاملے اٹھائے۔ حالانکہ، سی ایم بنرجی نے صورتحال کو سنبھالتے ہوئےمظاہرین کو جواب دیا۔

مغربی بنگال کی وزیر اعلیٰ ممتا بنرجی جمعرات (۲۷؍مارچ) کو لندن میں آکسفورڈ یونیورسٹی کے کیلوگ کالج میں تقریر کر رہی تھیں، اس دوران کچھ طلبہ نے ہنگامہ کیا۔ مظاہرین نے ہاتھوں میں پلے کارڈ لے کر آر جی کر کالج اور گھوٹالوں سے متعلق معاملے اٹھائے۔ حالانکہ، سی ایم بنرجی نے صورتحال کو سنبھالتے ہوئےمظاہرین کو جواب دیا۔ وزیر اعلیٰ کو آکسفورڈ کے کیلوگ کالج میں خواتین، بچوں اور معاشرے کے پسماندہ طبقات کی سماجی ترقی پر بات کرنے کیلئے مدعو کیا گیا تھا۔ وہ بنگال کی ’سواستھیا ساتھی‘ اور ’کنیا شری‘ اسکیموں کا ذکر کر رہی تھیں۔ جب انہوں نے بنگال میں سرمایہ کاری پر بولنا شروع کیا تو کچھ لوگ ہاتھوں میں پلے کارڈ لئے کھڑے ہوگئے۔ ان پر ریاست میں انتخابات اور تشدد کے ساتھ آر جی کر معاملے کے بارے میں لکھا ہواتھا۔ وزیر اعلیٰ کی تقریر کے دوران مظاہرین نے شور مچایا تو وزیر اعلیٰ نے سادہ جواب دے کر مظاہرین کو پرسکون کرنے کی کوشش کی۔ سی ایم بنرجی نے مظاہرین سے کہا، ’’آپ میرا استقبال کر رہے ہیں، شکریہ۔ میں آپ کو مٹھائی کھلاؤں گی۔ ‘‘

SFI-UK held a demonstration in Kellogg College, Oxford against Mamata Banerjee`s speech. We opposed her blatant lies by asking her for evidence of the social development she claims to pioneer. Instead of allowing us to peacefully express our opinions, the police were called. pic.twitter.com/pj0WRpvZUa

— Students` Federation of India - United Kingdom (@sfi_uk) March 27, 2025

آر جی کرمعاملے میں ممتا بنرجی نے کیا کہا؟
جب مظاہرین نے آر جی کرکا مدعااٹھایا تو وزیر اعلیٰ نے جواب دیتے ہوئے کہا ’’تھوڑا زور سے بولئے، میں آپ کی بات نہیں سن پا رہی ہوں۔ میں آپ کی ہر بات سنوں گی۔ کیا آپ جانتے ہیں کہ یہ معاملہ زیر التوا ہے؟ اس معاملے کی تحقیقات کی ذمہ داری اب مرکزی حکومت کے ہاتھ میں ہے، یہ معاملہ اب ہمارے ہاتھ میں نہیں ہے۔ ‘‘ ممتا بنرجی نے مزید کہا، ’’یہاں سیاست مت کرو، یہ سیاست کا پلیٹ فارم نہیں ہے۔ میری ریاست میں جاؤاور میرے ساتھ سیاست کرو۔ ‘‘

চিত্ত যেথা ভয়শূন্য, উচ্চ যেথা শির

She doesn’t flinch. She doesn’t falter. The more you heckle, the fiercer she roars. Smt. @MamataOfficial is a Royal Bengal Tiger!#DidiAtOxford pic.twitter.com/uqrck6sjFd

— All India Trinamool Congress (@AITCofficial) March 27, 2025

جادھو پور یونیورسٹی واقعہ پر جواب دیا
مظاہرین نے جادھو پور یونیورسٹی واقعہ کا مدعابھی اٹھایا۔ اس کے بعد وزیر اعلیٰ نے ایک مظاہرین کو بھائی کہہ کر مخاطب کیا اور کہا، ’’جھوٹ مت بولو۔ مجھے تم سے ہمدردی ہے، لیکن اسے سیاست کا پلیٹ فارم بنانے کے بجائے، بنگال جا ؤ اوراپنی پارٹی کو خود کو مضبوط کرنے کیلئے تاکہ وہ ہم سے لڑ سکیں۔ ‘‘ وزیر اعلیٰ کا جواب سن کر گیلری میں بیٹھے مہمانوں نے زور زور سے تالیاں بجانا شروع کر دیں۔ 

West Bengal CM Mamata Banarjee was heckled by protesting students at Oxford University.
📹PTI pic.twitter.com/K0Wag9iygo

— The Hindu (@the_hindu) March 28, 2025

میری توہین کر کے اپنے ادارے کی توہین مت کرو: ممتا
جب مظاہرین نے آواز اٹھانے کی کوشش کی تو وزیر اعلیٰ نے بھی انہیں جواب میں کہا، ’’میری توہین کر کے اپنے ادارے کی توہین مت کرو۔ میں ملک کی نمائندہ بن کر آئی ہوں۔ اپنے ملک کی توہین مت کرو۔ ‘‘ حالانکہ، بعد میں تقریب کے منتظمین اور وہاں موجود لوگوں نے مظاہرین کے خلاف آواز اٹھائی اور انہیں وہاں سے جانے پر مجبور کیا۔