ماسکو، روس میں موسیقی کے ایک پروگرام کے دوران ہوئے دہشت گردانہ حملے میں ایک ۱۵؍ لڑکے اسلام خلیلوف نے تقریباً ۱۰۰؍ لوگوں کی جان بچائی۔ جزوقتی ملازمت کرنے والے لڑکے نے حملہ کے دوران جان بچاکر بے سمت بھاگتے لوگوں کو محفوظ مقام پر جانے میں رہنمائی کی۔ وہ چیخ چیخ کر لوگوں کو صحیح سمت کی جانب رہنمائی کر رہا تھا۔ وائرل ویڈیو نے اسے قوم کا ہیرو بنا دیا ہے۔

ایک بہادرانہ اقدام میں ایک ۱۵؍سالہ لڑکے نے ماسکو کے کروکس سٹی ہال میں ہوئے دہشت گردانہ حملے کے دوران ۱۰۰؍سے زیادہ جانیں بچائیں جس میں جمعہ کو کم از کم ۱۴۳؍افراد ہلاک ہوئے ہیں۔ عالمی میڈیا میں اسے ’’کنسرٹ آف بلڈ‘‘ کا نام دیا گیا ہے۔ 
ایک وائرل ویڈیو میں اسلام خلیلوف نامی ایک ۱۵؍ سالہ لڑکا جو اس مقام پر ایک جزوقتی روم اٹینڈنٹ کے طور پر کام کرتا ہے جہاں اسلامک اسٹیٹ کے بندوق برداروں نے فائرنگ کی تھی، کو خوفزدہ پکنک راک بینڈ کنسرٹ میں جانے والوں کو بحفاظت باہر نکلنے میں مدد کرتے ہوئے دیکھا جا سکتا ہے۔ خلیلوف کو چیختے ہوئے سنا جا سکتا ہے ’’اس طرف، اس طرف، اس طرف۔ ‘‘ جب وہ لوگوں کو دالان کے نیچے ہنگامی راستے کی طرف لے جارہا تھا۔ وہ تیز آواز سے بے تحاشا بھاگتے ہوئے لوگوں کو محفوظ راستے پر جانے کی ہدایت دے رہا تھا۔ ویڈیو میں اس کی آواز سنی جا سکتی ہے کہ ’’ہر کوئی اس راستے پر جائے! وہاں ہر کوئی! ایکسپو، ایکسپو کی طرف!‘‘ 

🇷🇺 Fifteen-year-old Islam Khalilov emerges as a hero, saving over 100 lives during the Crocus City Hall terrorist attack.

Despite his young age, Islam, an ordinary schoolboy who worked part-time in the wardrobe, remained composed and followed emergency protocols meticulously.… pic.twitter.com/Pp7uyTryHA

— Russian Market (@runews) March 23, 2024

اس نے روسی خبر رساں ایجنسی رپٹلی کو بتایا کہ جب وہ کام کر رہا تھا تو اس نے لوگوں کے ہجوم کو سیڑھیوں اورخود کار زینوں کی جانب بھاگتے دیکھا۔ اس غیر معمولی صورتحال نے اسے خبردار کیا کہ پنڈال کے اندر کچھ ہو رہا ہے۔ خلیلوف نے کہا کہ میں نے کسی کو پیچھے نہیں چھوڑا۔ سچ کہوں تو میں خود کو ہیرو نہیں سمجھتا۔ یہ صرف میرے کام کا حصہ تھا۔ سو لوگوں کےمرنے سے بہتر ہے کہ خود کو قربان کردوں۔ ‘‘ 

What a brave young boy 🇷🇺🫶🏼

— KimBerly A (@KimberlyRyn) March 24, 2024

نوجوان نے مزید کہا کہ وہ اور اس کی والدہ ابھی تک اس افسوسناک واقعے سے صدمے میں ہیں۔ اس نے انکشاف کیا کہ اس کے سامنے ایک شخص کو گولی ماری گئی۔ اس سے وہ خوفزدہ ہو گیا کہ دہشت گردوں کے ہاتھوں وہ اور دیگر افراد مارے جائیں گے۔ اس بہادری کیلئے خلیلوف کو روسی قانون نافذ کرنے والے اداروں اور روسی مسلمانوں کے روحانی پیشوا مفتی شیخ راول غین الدین سے بھی حوصلہ افزائی کی ہے۔