بالی ووڈ اداکار سلمان خان کی جان کو لاحق خطرے کے پیش نظر ان کے گھر کی سیکوریٹی سخت کردی گئی ہے۔ علاوہ ازیں اپارٹمنٹ کی کھڑکیوں کو بلٹ پروف بنایا گیا ہے۔ اس کے ساتھ ریزولوشن سی سی ٹی وی کیمرہ بھی نصب کیا گیا ہے۔

بالی ووڈ اداکار سلمان خان کی جان کو لاحق خطرے کے پیش نظر ان کے گھر کی سیکوریٹی سخت کردی گئی ہے۔ گزشتہ سال لارنس بشنوئی گینگ کے ممبران نے سلمان کے گلیکسی اپارٹمنٹ کے باہر فائرنگ کی تھی جس کے بعد ان کی حفاظت کو مدنظر رکھتے ہوئے ان کے گھر کے باہر سیکوریٹی کا نظام مزید سخت کر دیا گیا ہے۔ اس کے ساتھ ریزولوشن سی سی ٹی وی کیمرہ بھی نصب کیا گیا ہے۔ حال ہی میں سلمان خان کے باندرہ گھر کی تزئین و آرائش کی گئی۔ ذرائع کے حوالے سے بتایا گیا ہے کہ اپارٹمنٹ کی کھڑکیوں کو بلٹ پروف بنایا گیا ہے۔ گھر کے باہر اور اردگرد ہائی ٹیک سیکوریٹی سسٹم لگایا گیا ہے۔ 

یہ بھی پڑھئے: پشپا ۲؍نے باہوبلی ۲؍کا ریکارڈ توڑا، اب تک کی سب سے زیادہ کاروبار کرنے والی ہندی فلم

اس کے علاوہ ہائی ریزولوشن سی سی ٹی وی کیمرے بھی لگائے گئے ہیں۔ گزشتہ سال۱۴؍ اپریل کو سلمان خان کے باندرہ اپارٹمنٹ کے قریب ۵؍راؤنڈ فائر کئے گئے تھے جس میں لارنس بشنوئی کا تعلق سامنے آیا تھا۔ اس واقعے کے چند ماہ بعد سلمان کے قریبی ساتھی اور این سی پی لیڈر بابا صدیقی کو قتل کر دیا گیا۔ ان تمام واقعات کے پیش نظر سلمان خان کی بالکونی میں خصوصی طور پر بلٹ پروف شیشہ نصب کیا گیا ہے جہاں سے وہ اپنے مداحوں کو خوش آمدید کہتے ہیں۔ اس کے ساتھ ہی پورے گلیکسی اپارٹمنٹ کے ارد گرد ہائی سیکوریٹی ٹریسز بھی لگائے گئے ہیں۔