میانمار کے مقامی وقت کے مطابق ۱۲؍ بجکر ۵۰؍ منٹ پر ۷ء۷؍ شدت کے زلزلے کےسبب عمارتوں میں شگاف پڑ گئے۔ شہری اپنی جان بچانے کی خاطر یہاں وہاں بھاگ رہے تھے۔ ملک بھر افراتفری۔ ہندوستان نے ہر ممکن مدد کی یقین دہانی کروائی۔

امریکہ کے جیولوجیکل سروے (یو ایس جی ایس) کے مطابق آج جمعہ کو وسطی میانمار میں ۷ء۷؍ شدت کا طاقتور زلزلہ آیا۔ مقامی وقت کے مطابق دوپہر ۱۲؍ بج کر ۵۰؍ منٹ پر آنے والے اس زلزلے سے دارالحکومت نیپیداو میں سڑکیں سنسان ہوگئیں، زلزلے کے جھٹکے ہندوستان، چین اور تھائی لینڈ تک محسوس کئے گئے۔ زلزلے کا مرکز سگائینگ سے ۱۶؍ کلومیٹر شمال مغرب میں ۱۰؍ کلومیٹر کی گہرائی میں واقع تھا۔ تھائی لینڈ کے وزیر اعظم نے بنکاک میں زلزلے کے شدید جھٹکوں کے بعد ہنگامی صورتحال کا اعلان کیا ہے۔پولیس اور طبی حکام کے مطابق زلزلے کے جھٹکوں کی وجہ سے زیر تعمیر ۳۰؍ منزلہ سرکاری دفتر کی فلک بوس عمارت گر گئی، جس میں ۴۳؍ کارکن پھنسے ہوئے ہیں۔ تھائی دارالحکومت کے شمال میں واقع عمارت زلزلے کے چند ہی لمحوں میں ملبےمیں تبدیل ہوگئی۔ 

ہندوستان اور چین میں زلزلے کے جھٹکے
کولکاتا اور امپھال میں ہلکے جھٹکے محسوس کئے گئے۔ کولکاتا کے باشندوں نے عمارتوں میں ہلکی لرزش کی اطلاع دی۔ پی ٹی آئی نے شہر میں کسی جانی یا مالی نقصان کی تصدیق نہیں کی۔ امپھال، منی پور میں، زلزلے سے خوف و ہراس پھیل گیا، خاص طور پر تھنگل بازار میں، جہاں کئی پرانی کثیر المنزلہ عمارتیں واقع ہیں۔ بیجنگ کی زلزلہ پیما ایجنسی کے مطابق چین کے جنوب مغربی صوبہ یونان میں بھی زلزلے کے اثرات کی اطلاع ملی۔

Omg! This is awful 😢 pray for these people in the rubble!

M7.7 #Earthquake hits #MYANMAR

Video showing people being rescued from the rubles of the collapsed buildings.

pic.twitter.com/QE2TiggTG4

— Moni 💕 (@MoniFunGirl) March 28, 2025

Just experienced a 7.7 strength #earthquake in #Bangkok for close to 3 minutes. Its epicenter was Mandalay, Myanmar, over 1200 kms from here.

Despite the distance it swayed buildings; caused cracks, forced evacuations and rooftop pools cascaded much water to down below. Scary! pic.twitter.com/iIeV7WQWN6

— Joseph Çiprut (@mindthrust) March 28, 2025

وزیراعظم ہند نریندر مودی نے سوشل میڈیا پر کہا کہ ہم ہر قسم کی امداد فراہم کرنے کیلئے تیار ہیں۔ انہوں نے ایکس پوسٹ کیا کہ ’’میانمار اور تھائی لینڈ میں زلزلے کے بعد کی صورت حال پر تشویش ہے۔ ہر کسی کی حفاظت اور بھلائی کیلئے دعا گو ہیں۔ ہندوستان ہر ممکن مدد کی پیشکش کیلئے تیار ہے۔ اس سلسلے میں، ہمارے حکام تیار ہیں۔‘‘ ساتھ ہی انہوں نے ایم ای اے کو میانمار اور تھائی لینڈ کی حکومتوں کے ساتھ رابطے میں رہنے کیلئے کہا ہے۔ 

Oh god 😯😯 terrible situation in Bangkok and Myanmar.
Hope everyone would be safe 🙏🏻 #Earthquake pic.twitter.com/A23SAlmKgP

— Elsa_Tri_t 🌥️💯 (@Elsa34666162) March 28, 2025

زلزلے سے عمارتوں کو نقصان پہنچا
اے ایف پی کے صحافیوں کے مطابق، میانمار کے دارالحکومت نیپیداو میں عمارتوں اور سڑکوں سے چھتوں کے ٹکڑے گرے، ایک وسیع و عریض شہر جس میں ۲۰؍ لین تک چوڑی شاہراہیں ہیں۔ صحافیوں کی ایک ٹیم نیپیداو کے نیشنل میوزیم میں اس وقت موجود تھی جب زلزلہ آیا اور عمارت لرزنے لگی۔ چھت سے ٹکڑے گرے اور دیواروں میں شگاف پڑ گئے۔ زمین تقریباً ۳۰؍ سیکنڈ تک ہلتی رہی۔ فی الوقت کسی موت کی اطلاع نہیں ہے۔