آج صبح ۴؍ بجکر ۵۰؍ منٹ پر سی بی ڈی بیلا پور، نوی ممبئی کے شہباز گاؤں میں ایک چار منزلہ عمارت منہدم ہوگئی جس میں ایک شخص کی موت کی اطلاع ہے۔ دو افراد کو ملبے کے نیچے سے نکالا گیا ہے جبکہ دیگر افراد کی تلاش جاری ہے۔ حکام کا کہنا ہے کہ اس عمارت میں کل ۱۳؍ خاندان آباد تھے۔

سی بی ڈی بیلا پور، نوی ممبئی میں آج صبح ایک چار منزلہ رہائشی عمارت گرنے کے بعد ایک شخص کے ہلاک ہونے کی اطلاعات ہیں جبکہ ملبے تلے پھنسے دو دیگر افراد کو نکالا گیا ہے۔ حکام نے بتایا کہ شہباز گاؤں میں صبح ۴؍ بجکر ۵۰؍ منٹ پر پیش آنے والے اس حادثے میں متعدد افراد کے ملبے تلے دبے رہنے کا اندیشہ ہے۔ حکام نے بتایا کہ عمارت گرنے سے قبل وہ ۵۲؍ مکینوں کو نکالنے میں کامیاب رہے تھے۔ 

نوی ممبئی میونسپل کارپوریشن (این ایم ایم سی) کے کمشنر کیلاس شندے نے کہا کہ ’’آج صبح ۱۳؍ خاندانوں اور تین دکانوں والی چار منزلہ عمارت منہدم ہوگئی۔ ملبے کے نیچے پھنسے ایک مرد اور ایک عورت کو صبح ۶؍ بجے کے قریب بچا لیا گیا اور انہیں اسپتال میں داخل کروایا گیا ہے۔‘‘ نیشنل ڈیزاسٹر رسپانس فورس (این ڈی آر ایف) کے ایک اہلکار نے بتایا کہ دوپہر کے قریب، ایک شخص کی لاش ملبے کے نیچے سے برآمد ہوئی۔ اس کا نام محمد میراز تھا۔ انہوں نے کہا کہ دوسروں کو بچانے کیلئے ریسکیو آپریشن ابھی بھی جاری ہے۔ 

3-storey building collapses in Navi Mumbai, several people feared trapped.

Parts of Maharashtra have been receiving heavy rain for the past few days. An orange alert has been issued for today as well.#NaviMumbai #Maharashtra #MaharashtraRain pic.twitter.com/Xgmx0gyAN0

— Vani Mehrotra (@vani_mehrotra) July 27, 2024

این ڈی آر ایف اور شہری ادارے کے فائر بریگیڈ کے اہلکاروں نے بچائے گئے دو افراد کی شناخت لعل محمد (۲۲؍ سال) اور رخسانہ (۲۱؍ سال) کے طور پر کی گئی ہے۔ این ڈی آر ایف کے اہلکار نے بتایا کہ ریسکیو آپریشن میں مدد کیلئے ڈاگ اسکواڈ کو بھی شامل کیا گیا ہے۔ شہری سربراہ شندے نے کہا کہ حادثے کی وجہ کی جانچ ایم ایم ایم سی کرے گی۔دریں اثنا، وزیر اعلیٰ ایکناتھ شندے، جو اس وقت نیتی آیوگ میٹنگ کیلئے دہلی میں ہیں، نے نوی ممبئی کے میونسپل کمشنر سے بات کی اور انہیں ہدایت دی کہ بچائے گئے افراد کو زخمیوں اور متاثرہ افراد کو ضروری مدد فراہم کی جائے۔