رتن ٹاٹا کی موت کے بعد نوئل ٹاٹا کو ٹاٹا ٹرسٹ کا نیا چیئرمین منتخب کیا گیا ہے۔ ممبئی میں ہونے والی میٹنگ کے دوان یہ فیصلہ کیا گیا ہے۔

۹؍ اکتوبر کو ٹاٹا گروپ کے چیئرمین رتن ٹاٹا کی موت کے بعد آج نوئل ٹاٹا کو ’’ٹاٹا گروپ ‘‘کا چیئرمین منتخب کیا گیا ہے۔ ممبئی میں ہونے والی میٹنگ کے بعد یہ انتخاب کیا گیا ہے اور بورڈ آف ٹاٹا ٹرسٹ نے بھی اس فیصلے کو قبول کیا ہے۔ رتن ٹاٹا، جنہوں نے کئی عرصہ ٹاٹا گروپ اور ٹاٹا ٹرسٹ کی قیادت کی تھی، کی کوئی اولاد نہیں تھی اور انہوں نے ٹرسٹ کیلئے اپنے جانشین کے نام کا اعلان نہیں کیا تھا۔ اسی لئے ان کے بھائی نوئل ٹاٹا، جو گزشتہ کئی برسوں سے ٹاٹا ٹرسٹ سے جڑے ہوئے ہیں، کو ٹاٹا ٹرسٹ کا نیا چیئرمین منتخب کیا گیا ہے۔

یہ بھی پڑھئے: جنگ کا خدشہ برقرار، ایران اسرائیل کا ایکدوسرے کو انتباہ، یاہواور بائیڈن کی گفتگو

کارپوریٹ کے وکیل ایچ پی رانینا نے کہا ہے کہ ’’ٹاٹا ٹرسٹ نے نوئل ٹاٹا کا انتخاب کر کے درست فیصلہ کیا ہے۔ اب کوئی بھی ٹرسٹ میں ہم آہنگی اور تسلسل کی توقع کر سکتا ہے اور ہمیں یہ اعتماد ہے کہ ٹاٹا گروپ کی بہتری اسی میں ہے۔ پی گوپال کرشنن نے نول ٹاٹا کو ایک بہترین اور سمجھدار انسان قرار دیتے ہوئے کہا کہ ’’ٹرسٹ کیلئے ان کا انتخاب بہترین فیصلہ ہے۔ نوئل ٹاٹا ٹرسٹ کی بھلائی کیلئے بہت کچھ کر سکیں گے۔‘‘