پیرس اولمپکس ۲۰۲۴ء میں پاکستانی ایتھلیٹ ارشد ندیم نے جیولن تھرو میں طلائی تمغہ حاصل کرنے کے ساتھ ہی کئی ریکارڈ بھی توڑے۔ وہ پاکستان کے پہلے ایسے ایتھلیٹ بن گئے ہیں جس نے انفرادی طور پر گولڈ جیتا ہے۔ علاوہ ازیں، انہوں نے ۹۷ء۹۲؍ میٹر دور نیزہ پھینک کر نیا اولمپکس ریکارڈ قائم کیا ہے۔

پیرس اولمپکس ۲۰۲۴ء میں مردوں کے جیولین تھرو مقابلے میں طلائی تمغہ حاصل کرنے والے پاکستانی ایتھلیٹ ارشد ندیم نے ریکارڈ بھی قائم کیا۔ وہ پاکستان کے کے پہلے انفرادی اولمپک گولڈ میڈلسٹ بن گئے ہیں۔ دریں اثناء، ہندوستان کے اسٹار جیولین تھرو اور دفاعی اولمپک چمپئن نیرج چوپڑا ۴۵ء۸۹؍ میٹر دور نیزہ پھینک رک دوسرے نمبر پر رہے جبکہ ارشد ندیم نے ۹۷ء۹۲؍ میٹر دور بھالا پھینکا۔ 
خیال رہے کہ اولمپکس میں سب سے دور بھالا پھینکنے کا ریکارڈ ناروے کے اینڈریاس تھورکلڈسن کے پاس تھا جنہوں نے بیجنگ اولمپکس ۲۰۰۸ء میں ۵۷ء۹۰؍ میٹر دور نیزہ پھینکا تھا۔ یہ ریکارڈ اب ارشد ندیم نے توڑ دیا ہے۔ 

First of all, I thank Allah Almighty for this huge success, with the prayers of my parents, prayers of the entire nation and especially the tireless effort of my coach Mr. Salman Iqbal Butt and the support of Dr. Ali Sher Bajwa, I have achieved this massive milestone.
Thank you… pic.twitter.com/zpMvRMLGHA

— Arshad Nadeem (@ArshadOlympian1) August 9, 2024

ارشد ندیم کے بارے میں
پاکستانی اسٹار ارشد ندیم کا بچپن انتہائی غربت میں گزرا۔ ۲؍ جنوری ۱۹۹۷ء کو میاں چنوں، پنجاب، پاکستان میں پیدا ہونے والے ارشد ندیم آٹھ بہن بھائیوں میں تیسرے نمبر پر ہیں۔ ان کے والد محمد اشرف، مستری کا کام کرکے اپنے خاندان کی دیکھ بھال کرتے ہیں۔ ان کے پاس اتنی رقم نہیں تھی کہ وہ ارشد کی ایتھلیٹک سرگرمیوں کے اخراجات برداشت کرسکیں۔ تاہم، ارشد ندیم کو مختلف ٹورنامنٹس میں بھیجنے کیلئے گاؤں کے لوگوں نے چندہ دیا۔ 
پیرس اولمپکس میں طلائی تمغہ جیتنے والے ارشد ندیم کی کہانی بہت دلچسپ ہے۔ چند سال قبل جکارتہ ایشین گیمز ۲۰۱۸ء میں کانسے کا تمغہ جیت کر بین الاقوامی سطح پر شہرت حاصل کرنے والے ارشد ندیم کے پاس اتنے پیسے نہیں تھے کہ وہ پیرس ۲۰۲۴ء کے اولمپکس کی تیاری کر سکیں۔ دوستوں، رشتہ داروں، اور گاؤں والوں نے چندہ اکٹھا کیا اور ان کی مالی مدد کی۔ارشد ندیم نے پرانے جیولن کے ساتھ پیرس اولمپکس کی تیاری کی۔ اس نیزے کی حالت بہت اچھی نہیں تھی۔ ارشد نے کئی برسوں سے نیا نیزہ نہیں خریدا ہے۔ انہوں نے اس ضمن میں پاکستانی حکومت سے درخواست کی تھی لیکن ان کی کوئی مدد نہیں کی گئی۔ 

یہ بھی پڑھئے: پیرس اولمپکس ۲۰۲۴ء: میڈلز ٹیبل، ہندوستان کی کارکردگی

ارشد ندیم نے میاں چنوں کے ایک سرکاری اسکول سے تعلیم حاصل کی۔ انہوں نے ۷؍ ویں جماعت میں اس کھیل میں دلچسپی لینی شروع کی تھی۔ اسکول میں کوچ نے ندیم کی صلاحیتوں کو پہچانا اور انہیں اس کھیل کو جاری رکھنے کی ترغیب دی۔ اپنے خاندان کی مالی مشکلات کو دیکھتے ہوئے ارشد ندیم سرکاری ملازمت کرنا چاہتے تھے۔ ان کا مقصد کھیلوں کے کوٹے کے ذریعے سرکاری ملازمت حاصل کرنا تھا۔ انہوں نے پاکستان واٹر اینڈ پاور ڈیولپمنٹ اتھاریٹی میں ملازمت کیلئے ٹرائلز بھی جہاں پاکستان کے اسٹار جیولن تھرور سید حسین بخاری کی نظر ان پر پڑی۔ انہوں نے ارشد ندیم کو سرکاری ملازمت دلوا دی اور انہیں ٹریننگ بھی جاری رکھنے کی تلقین کی۔ ارشد اسی محکمے میں کام کرتے ہیں۔ وہ شادی شدہ ہیں اور ان کے دو بچے (ایک بیٹا، ایک بیٹی) ہیں۔