یہاںواقع جھولا میدان، باندرہ پلاٹ میں علاقے کی ۱۲؍ مساجد کے ٹرسٹیان کے اشتراک سے دسویں اور بارہویں کے طلبہ کیلئے کریئر گائیڈنس کا انعقاد کیا گیا۔ا

یہاںواقع جھولا میدان، باندرہ پلاٹ میں علاقے کی ۱۲؍ مساجد کے ٹرسٹیان کے اشتراک سے دسویں اور بارہویں کے طلبہ کیلئے کریئر گائیڈنس کا انعقاد کیا گیا۔اس میں ۲۰۰ ؍ سے زائد طلباء و طالبات نے حصہ لیا اور پروجیکٹر اور اسکرین کے ذریعہ پاور پوائنٹ کے ذریعے مختلف کورسیز کی رہنمائی کی گئی۔کریئرگائیڈنس کاآغاز عبدالوحید کے افتتاحیہ کلمات سے ہوا جبکہ کاوش کے ذمہ داران عامر انصاری ، محمدقاسم ، عبدالحفیظ اورٹیچر رقیہ وغیرہ نےطلبہ کی رہنمائی کی۔انہیں نے نہ صرف کورسیز کی معلومات دی   بلکہ طلبہ کو اعلی ا ہداف متعین کرنے کی جانب متوجہ کیاگیا۔ زید پٹیل نے بچوں کو علم کی اہمیت پر روشنی ڈالی اور اسلامی تعلیمات پرجمے رہنے کا عہد کیا۔
 اس کریئرگائیڈنس پروگرام میں ساجد شیخ ،سنی جامع مسجد،ذاکر شیخ  ،سنی جونی مسجد ، امن مسجد ، غربا اہل حد یث مسجد ، سنی مدینہ مسجد ، محمد ی مسجد ، مسجد عائشہ ، مسجدجماعت اسلامی ہند جوگیشوری، مدراسی مسجد ، عاشقان رسول مسجد ، گلشن مدینہ مسجد، نورانی مسجد کے ٹرسٹیان اور نظیر شیخ، مشتاق احمد وغیرہ شامل تھے۔
 اس موقع پر مساجد کے متحدہ پلیٹ فارم کے انچارج نبن چچا نے کہا کہ’’ اس طرح کے تعلیمی پروگرام پورے ملک کی مساجدکے ذریعے کئے جائیںتاکہ مساجد کی افادیت میں اضافہ ہو اور بچوں کی ہرسطح پربہتر سے بہتررہنمائی کی جائے اوروہ اپنی منزل تک آسانی کے ساتھ پہنچ سکیں۔ ‘‘