پاکستان کے صوبہ بلوچستان میں جمعہ کو ایک چھوٹی نجی کوئلہ کان پر مسلح افراد کے حملے میں کم از کم۲۰؍ کان کن ہلاک اور ۷؍ دیگر زخمی ہوگئے۔

پاکستان کے صوبہ بلوچستان میں جمعہ کو ایک چھوٹی نجی کوئلہ کان پر مسلح افراد کے حملے میں کم از کم۲۰؍ کان کن ہلاک اور ۷؍ دیگر زخمی ہوگئے۔ یہ اطلاع مقامی پولیس نے دی۔ رپورٹ کے مطابق ڈُکی اسٹیشن ہاؤس آفیسر ہمایوں خان نے بتایا کہ ’’آج علی الصبح مسلح افراد کے ایک گروپ نے ڈکی علاقے میں جنید کول کمپنی کی کانوں پر بھاری ہتھیاروں سے حملہ کیا۔ انہوں نے کانوں پر راکٹ اور گرینیڈ بھی داغے۔‘‘ ڈکی ڈسٹرکٹ اسپتال کے ایک ڈاکٹر جوہر خان شادی زئی نے کہا ’’ہمیں اب تک ضلعی اسپتال میں۲۰؍ لاشیں اور ۶؍ زخمی ملے ہیں۔‘‘
 چیئرمین ضلع کونسل دکی خیر اللہ ناصر نے ڈان نیوز ڈاٹ ٹی وی کو بتایا کہ شرپسندوں  نے کول کمپنی کے دفتر پر گرینیڈ اور راکٹ لانچرز سے حملہ کیا اور سائٹ پر موجود مشینری کو آگ بھی لگا دی۔