اقوام متحدہ کی سلامتی کونسل کے اجلاس میں فلسطین کے سفیر ریاض منصور نے کہا کہ آیئے سمجھیں کہ اسرائیل نے فلسطینیوں کو کمزور کرنے کا کیا منصوبہ بنایا ہے۔ وہ یہاں قحط جیسے حالات پیدا کرکے فلسطینیوں کو ختم کرنا چاہتا ہے۔ لیکن ہم اپنی سرزمین میں زیتون کے درختوں کی طرح جڑے رہیں گے۔

اقوام متحدہ میں فلسطین کے ایلچی ریاض منصور نے اپنی پُرجوش تقریر کرتے ہوئے اقوام متحدہ کی سلامتی کونسل سے غزہ میں بھوک کے بحران سے نمٹنے کیلئے فوری اقدام کرنے کی درخواست کی۔ انہوں نے کونسل کو بتایا کہ ’’آئیے کچھ دیر کا وقفہ لیں اور سمجھیں کہ اس کا کیا مطلب ہے کہ اسرائیل نے نسلی تطہیر اور اپنے نوآبادیاتی مقاصد کو آگے بڑھانے کیلئے جنگ کے طریقہ کار کے طور پر قحط کا فیصلہ کیا اور اسے نافذ کیا۔ ہر وہ چیز جس کے خلاف ہم نے خبردار کیا، ہر وہ چیز جس کی اسرائیل نے تردید کی، وہ ہماری آنکھوں کے سامنے ہو رہا ہے۔ ہم غزہ کے وسیع علاقوں کو اس کی فلسطینی آبادی سے خالی کرنے کے ایک منظم منصوبے کے آخری مراحل میں ہیں۔ ‘‘ریاض منصور نے مقبوضہ مغربی کنارے کو ضم کرنے کے اسرائیلی منصوبے کی بھی مذمت کی۔ انہوں نے کہا کہ فلسطینی عوام کو ایک بار پھر موت، بے دخلی اور نقل مکانی کا سامنا ہے لیکن ایک بار پھر، ہم یہاں سے غائب نہیں ہوں گے۔ ہم اپنی سرزمین میں زیتون کے درختوں کی طرح جڑے ہوئے ہیں۔ ‘‘

Palestine’s 🇵🇸 UN Ambassador Riyad Mansour asks the chilling questions that will echo through history to our eternal shame:

“Is our blood cheap?
Are our civilians less worthy of protection?
Are our lives less sacred?” pic.twitter.com/bl8XHWHluY

— Howard Beckett (@BeckettUnite) October 12, 2024

اقوام متحدہ کے امدادی سربراہ نے سلامتی کونسل کو بتایا کہ دنیا ’’غزہ میں سنگین ترین بین الاقوامی جرائم کی یاد دلانے والی کارروائیوں کا مشاہدہ کر رہی ہے‘‘ کیونکہ اسرائیل نے انکلیو میں قحط کی وارننگ کو ’’بے ایمانی‘‘ اور اسے ’’بدنام‘‘ کرنے کی سازش قرار دے کر مسترد کر دیا ہے۔ یاد رہے کہ غزہ میں اسرائیل کی نسل کشی میں اب تک ۴۳؍ ہزار ۶۶۵؍ سے زائد فلسطینی شہید ہوچکے ہیں جبکہ ایک لاکھ ۳؍ ہزار ۷۶؍ زخمی ہیں۔