گزشتہ رات پیرس کی تیز رفتار ریل نیٹ ورک ایس این سی ایف کو سائبر حملہ کا نشانہ بنایا گیا۔ اس دوران متعدد مقامات پر املاک کو نقصان بھی پہنچایا گیا ہے۔ تاہم، کسی نے ان حملوں کی ذمہ داری قبول نہیں کی ہے۔ فرانسیسی حکام نے تفتیش کا آغاز کردیا ہے۔ واضح رہے کہ چند گھنٹوں میں اولمپکس کی افتتاحی تقریبات شروع ہوں گی۔

پیرس میں اولمپکس کی افتتاحی تقریب سے قبل یہاں کی تیز رفتار ٹرین سروسیز پر حملہ کیا گیا۔ یہ صرف سائبر حملہ نہیں تھا۔ متعدد مقامات پر املاک کو نقصان بھی پہنچایا گیا۔فرانسیسی حکام اسے مجرمامہ افعال اور ماحول خراب کرنے کی کوشش قرار دے رہے ہیں۔ یہ ریل نیٹ ورک پیرس کو لندن، انگلش چینل اور بلجیم سے جوڑتا ہے۔ یہی نہیں شہر بھر میں اس کی پٹریوں کا مستحکم نیٹ ورک ہے۔

BREAKING: A large scale sabotage attack and arson against France’s high-speed railway system affects 800,000 passengers, many of them stranded at railway stations across France.

Paris Olympics Open Ceremony is today!! #OlympicGames #Paris2024
Source: Visegrád 24 pic.twitter.com/8G4CJYqA8U

— Jim Yang (@bionicleap77) July 26, 2024

پیرس پولیس کے سربراہ نے اعلان کیا ہے کہ ایس این سی ایف ریلوے لائنس پر راتوں رات ہونے والے حملوں کے بعد پیرس کے ٹرین اسٹیشنوں پر سیکوریٹی بڑھانے کیلئے مزید فورس تعینات کی جائے گی۔ لارینٹ نونیز نے براڈکاسٹر فرانس کو بتایا کہ جمعہ کو مزید پولیس فورس کو پیرس کے تمام اسٹیشنوں پر بھیج دیا گیا ہے کیونکہ شدید رکاوٹوں کے بعد ان علاقوں میں لوگ بھیڑ میں گئے ہیں۔ اس سے قبل فرانسیسی ریلوے کمپنی ایس این سی ایف نے کہا تھا کہ پیرس اولمپکس کی افتتاحی تقریب سے قبل رات بھر اس کی ریل لائنس میں توڑ پھوڑ کی گئی۔

Des actes de malveillance coordonnés ont visé cette nuit plusieurs lignes TGV et perturberont fortement le trafic jusqu’à ce week-end. Je condamne fermement ces agissements criminels qui vont compromettre les départs en vacances de nombreux Français. Un grand merci aux équipes de…

— Patrice Vergriete (@P_Vergriete) July 26, 2024

کمپنی نے ایکس پر کہا کہ ’’ راتوں رات میں ایس این سی ایف پر سائبر حملہ کیا گیا۔ یہی نہیں بلکہ ہماری تنصیبات کو نقصان پہنچانے کیلئے کئی جگہوں پر جان بوجھ کر آگ بھی لگائی گئی۔‘‘ کمپنی نے نوٹ کیا کہ اس کی تیز رفتار لائن ایل جی وی ساؤتھ ایسٹ متاثر نہیں ہوئی کیونکہ سائبر حملے کو ردک دیا گیا تھا۔ کمپنی نے مزید کہا کہ کچھ روٹس پر تیز رفتار ٹرینیں بری طرح متاثر ہوئی ہیں اس لئے مسافروں سے کہا کہ وہ سفر نہ کریں۔

گارے دو نورد اسٹیشن کے باہر سیکوریٹی اہلکار پہرہ دے رہے ہیں۔ تصویر: پی ٹی آئی

فرانسیسی نشریاتی ادارے بی ایف ایم ٹی وی کے مطابق یورواسٹار کی خدمات بھی متاثر ہوئیں۔ ادارے نے وضاحت کی کہ ذرائع کے مطابق کچھ شمالی اور مشرقی لائنوں پر ریل لوکیشن کیبنٹ کو نقصان پہنچا اور کیبلز کو آگ لگا دی گئی اور انہیں کاٹ دی گئی۔ اس عمل میں تقریباً ۸؍ لاکھ مسافر متاثر ہوئے ہیں۔ واضح رہے کہ پیرس اولمپکس کا آغاز چند گھنٹوں میں ہوگا، ایسے میں ٹرینوں پر حملہ تشویشناک قرار دیا جارہا ہے۔ فرانسیسی حکام حملہ آور اور حملے کی وجہ جاننے کیلئے تفتیش کررہے ہیں۔