۲۰۱۹ء میں نوٹرے ڈیم چرچ میں آگ لگ جانے کے بعد گرجاگھر کی تزئین کاری جاری تھی۔ آج تقریباً ۵؍ سال بعد چرچ کی تمام ۸؍ گھنٹیاں ایک ساتھ بجائی گئیں۔

آج پیرس میں ’’نوٹرے ڈیم‘‘ کی گھنٹیاں ۲۰۱۹ء کے تاریخی گرجا گھر کو تباہ کرنے والی آگ کے بعد پہلی بار ایک ساتھ بجائی گئیں۔ واضح رہے کہ ۲۰۱۹ء میں مذکورہ گرجا گھر میں آگ لگ جانے کے سبب بڑے پیمانے پر نقصان ہوا تھا جس کے بعد سے یہاں کی تزئین کاری کا کام جاری تھا۔ آج نوٹرے ڈیم کی شمالی بیلفری میں آٹھ گھنٹیاں ایک ساتھ بجائی گئیں۔ حکومت نے کہا کہ یہ ایک خوبصورت اور اہم قدم ہے۔ یاد رہے کہ ۱۹؍ اپریل ۲۰۱۹ء کی شام عالمی ثقافتی ورثے میں شامل یہ گرجا گھر آگ کے شعلوں میں گھر گیا تھا۔ 

WE ARE SO BACK

The bells of Notre Dame Cathedral in Paris rang out this morning for the first time today since 2019`s fire

The Cathedral reopens with Mass on December 8th pic.twitter.com/roQS22b0t7

— Catholic Arena (@CatholicArena) November 8, 2024

فرانس کے صدر ایمانوئل میکرون نے فوری طور پر پانچ سال کے اندر نوٹرے ڈیم کو دوبارہ تعمیر کرنے اور اسے پہلے سے بھی زیادہ خوبصورت بنانے کا ہدف مقرر کیا تھا۔ تقریباً ۲۵۰؍ کمپنیاں اور سیکڑوں ماہرین کو اس بحالی کیلئے متحرک کیا گیا جس پر کروڑوں یورو کی لاگت آئی۔ آج صبے ساڑھے ۱۰؍ بجے سے کچھ دیر پہلے، گھنٹیاں ایک ایک کر کے اس وقت تک بجائی گئیں جب تک کہ آٹھوں نے ہم آہنگی سے آواز نہ دی۔ گھنٹیوں کی دوبارہ تنصیب کے انچارج الیگزینڈر گوجن نے کہا کہ ’’یہ ابھی پرفیکٹ نہیں ہے مگر ہم اسے پرفیکٹ بنائیں گے۔‘‘ یہاں نصب سب سے بھاری گھنٹی، جسے ’’گیبریل‘‘ کہا جاتا ہے، کا وزن چار ٹن سے زیادہ ہے، اور سب سے ہلکی، ’’جین میری‘‘ ۸۰۰؍ کلوگرام ہے۔ خیال رہے کہ ۷؍ اور ۸؍ دسمبر کو نوٹرے ڈیم کا تزئین کاری کے بعد دوبارہ افتتاح کیا جائے گا۔